ilo kalama pi linja luka wan
ilo kalama pi linja luka wan li ilo pi kalama musi. jan li pali e kalama musi kepeken ilo ni. kalama pi ilo ni li pona tawa jan mute. kalama ona li tan linja.
ijo[o ante | o ante e toki ilo]
sijelo pi ilo kalama ni li jo e sike tu pi kiwen kasi e palisa. sike nanpa wan li sike lili, sike nanpa tu li sike suli. sike lili li lon sewi pi sike suli. palisa li lon sewi pi sike lili. sike tu li jo e lupa; ni li suli e kalama linja.
linja luka wan li lon. open ona li lon sewi palisa. pini ona li lon sike suli.
kepeken[o ante | o ante e toki ilo]
jan li kepeken luka lon linja la linja li kalama. jan li pana ala e luka tawa palisa la linja ante li pali e kalama pi kule ante. jan li ken ante e sewi kalama tan sewi linja kepeken luka. jan li kepeken luka lon palisa la kule kalama en sewi linja li ante; sewi luka li ante e ante ni.