lipu ku

tan Wikipesija
o tawa poki nasin o tawa alasa
nimi ku kepeken sitelen pona
Under construction icon-yellow.svg lipu ni li pini ala li wile e pali. sina ken pini e ona.

lipu ku (toki Inli: Toki Pona Dictionary "lipu nimi pi toki pona") li lipu tan jan Sonja tan mama pi toki pona. ona li lipu nimi sin pi toki pona. nimi ku li nimi sin. jan Sonja li pali e nimi ni tawa lipu sin ni. jan li ku la ona li kepeken lipu nimi ni pi jan Sonja sama nimi pu. sike 2021 la lipu ku li kama lon.

insa pi lipu ku[o ante | o ante e toki ilo]

ale la nimi 181 pi toki pona li lon lipu ku. nimi ni li lon kipisi tu wan. nimi 120 li nimi pu. nimi 16 li nimi ku suli. nimi 45 li nimi ku lili.

nimi pu li nimi lon lipu pu, lipu nanpa wan pi toki pona.

nimi ku suli li nimi sin lon lipu pu ala. taso, jan mute lon kulupu pi toki pona li kepeken nimi ni. nimi tu wan pi nimi ku suli li tan tenpo pini. nimi ni li nimi "kin", nimi "namako" e nimi "oko". nimi ni li weka tan lipu pu. taso, ona li kama lon sin.

nimi ku lili li sama nimi ku suli. ona li nimi sin. taso, jan mute li kepeken ona ala. nimi ni li lili tan ni.

kin la open pi lipu ku li jo e toki tan jan Sonja.

alasa sona pi jan Sonja[o ante | o ante e toki ilo]

o lukin: kama sona pi jan Sonja

jan Sonja li wile sona e nasin nimi kulupu lon ma pona pi toki pona (lon ilo Siko). ona li pali e lipu pi alasa sona mute. nimi mute li lon lipu ni tan alasa sona. jan kulupu pi ilo Siko li pana e sona tawa jan Sonja. jan Sonja li pali e lipu pi nimi ni. sona pi alasa sona ni li lon lipu ku.

seme pi lipu pu li ante lon lipu ku?[o ante | o ante e toki ilo]

nimi "seli"[o ante | o ante e toki ilo]

lipu pu la, sona pi nimi seli li toki ala e ni: nimi "seli" li ken nimi ijo. taso, ona li toki e kon pi nimi ijo pi nimi "seli".

lipu ku la, nimi "seli" li ken nimi ijo.

nimi "nasa"[o ante | o ante e toki ilo]

lipu pu la, nimi "nasa" li jo e kon ni: "jan pi nasin toki insa pakala". taso, kon ni li ike tawa jan mute.

lipu ku la, kon ni li weka tan nimi "nasa".

nimi ku[o ante | o ante e toki ilo]

nimi ku li nimi pi lipu nimi ni.

nimi ku suli[o ante | o ante e toki ilo]

jan mute pi toki pona li kepeken nimi la ona li nimi ku suli:

nimi ku lili[o ante | o ante e toki ilo]

jan mute pi toki pona li kepeken lili anu kepeken ala nimi la ona li nimi ku lili.

o lukin[o ante | o ante e toki ilo]