ma Satanu

tenpo pi lon pi kulupu Ankosakon la ni li ma pi jan moli.

ma Satanu (toki Inli: Sutton Hoo) li lon ma Sapi pi ma Inli. ma ni la alasa mute pi ijo pi tenpo pini li kama lon. sona suli la len lawa pi ma Satanu li nanpa wan.

jan li open alasa e ijo lon tenpo poka pi open pi utala ma suli pi nanpa tu.

ijo alasa pi kulupu Ankosakon

ni li len lawa pi ma Satanu. jan li pona e ona la ona li pakala pi mute ala.

sona

jan li weka e ko e ma tan tomo tawa telo.

ijo ni mute li lon anpa ma tan ni: nasin pi kulupu Ankosakon la jan li suli li lawa li kama moli la jan ante li lon anpa ma e ona e tomo tawa telo ona e ijo pi suli tawa ona.

len lawa

tenpo pi lon ma Inli pi kulupu Ankosakon la ona li pali e len lawa mute. taso la mute li kama pakala. len lawa pi ma Satanu a li pakala pi mute ala. tan ni la, ijo ni li suli tawa jan pi sona pi tenpo pini.

tomo tawa telo

kasi en kiwen la jan li pali e tomo tawa telo ni. taso la kasi li pakala tan tenpo.

ijo ante

ni li ijo mani pi kulupu Ankosakon lon ma Satanu.

ijo mani mute li tan lon anpa ma Satanu. ilo utala luka kin li lon.