sitelen pi jan Pepa pi soweli Kawa
lipu sitelen "jan Pepa&soweli Kawa" (toki Inli: Pepper&Carrot, "jan Pepa en soweli Kawa") li lipu sitelen tan jan Tewi Kawa. pana ona li open lon tenpo mun nanpa 5 lon tenpo sike nanpa 2014.[1] kulupu mute li suli e ona.
sitelen musi ni la, jan Pepa li jan pi wawa nasa. soweli Kawa li soweli ona. lipu o pona tawa ale la, ike suli li lon ala.[1]
tenpo sike nanpa 2024 la jan Tewi Kawa li toki e ni: ona li wile pini e pali lipu. lipu nanpa 42 li lipu pini.[2]
nasin[o ante | o ante e toki ilo]
sitelen ni li nasin jo pi jan mute li nasin Open-source,[1] la jan mute li ken pali e ijo pi sitelen ni. jan li pali e sitelen e len e musi.
ante toki[o ante | o ante e toki ilo]
jan Tewi Kawa li pana e nasin pi ante toki tawa ale. ale li ken ante e toki pi sitelen ni tan nasin ona.[3] ni la, toki 68 li lon ona. toki ni 27 li lon lipu ale.[4]
toki pona li lon lipu ale. jan Ke Tami li toki pona e lipu. sitelen pona li lon lipu mute, taso la sitelen Lasina li lon lipu ale.
lipu ale[o ante | o ante e toki ilo]
ona li pali e lipu tan lipu nanpa 6 tawa lipu nanpa 24 la, jan Tewi Kawa li pali kepeken toki Kanse.
| nanpa | nimi |
|---|---|
| 1 | telo pi tawa waso (toki Inli: The Potion of Flight) |
| 2 | telo pi kule mute (toki Inli: Rainbow Potions) |
| 3 | wan mute pi sona nasa (toki Inli: The Secret Ingredients) |
| 4 | sona pi kama wawa (toki Inli: Stroke of Genius) |
| 5 | wan pona pi tenpo lete pona (toki Inli: Special holiday episode) |
| 6 | utala pi pali telo (toki Kanse: Le concours de potion) |
| 7 | wile (toki Kanse: Le souhait) |
| 8 | jan Pepa li sike sin e suno (toki Kanse: L'anniversaire de Pepper) |
| 9 | kama pona pi sijelo pakala (toki Kanse: Le remède) |
| 10 | lipu pona pi tenpo seli (toki Kanse: Spécial été) |
| 11 | jan pi wawa nasa pi kulupu Pakalaa (toki Kanse: Les sorcières de Chaosah) |
| 12 | weka jaki pi tenpo pi kasi loje (toki Kanse: Rangement d'Automne) |
| 13 | tenpo musi pi lape kama (toki Kanse: La Soirée Pyjama) |
| 14 | kiwen uta akesi (toki Kanse: La Dent de Dragon) |
| 15 | sike pi kiwen sona (toki Kanse: La Boule de Cristal) |
| 16 | jan sona pi nena kiwen (toki Kanse: Le Sage de la Montagne) |
| 17 | open sin (toki Kanse: Un Nouveau Départ) |
| 18 | kulupu (toki Kanse: La Rencontre) |
| 19 | jaki (toki Kanse: Pollution) |
| 20 | moku lon ma (toki Kanse: Le Pique-nique) |
| 21 | utala musi pi wawa nasa (toki Kanse: Le Concours de Magie) |
| 22 | ilo pi nasin wile (toki Kanse: Le système de vote) |
| 23 | o jo e ken pona (toki Kanse: Saisir la chance) |
| 24 | kasi suli pi kama wan (toki Kanse: L'Arbre de l'unité) |
| 25 | sina ken ala lili e nasin pali (toki Inli: There Are No Shortcuts) |
| 26 | lipu li pona mute a (toki Inli: Books Are Great) |
| 27 | ilo sin pi jan Kowijana (toki Inli: Coriander's Invention) |
| 28 | tenpo musi (toki Inli: The Festivities) |
| 29 | pakala pi ma ale (toki Inli: Destroyer of Worlds) |
| 30 | wile pi pona luka (toki Inli: Need a Hug) |
| 31 | utala (toki Inli: The Fight) |
| 32 | ma pi utala suli (toki Inli: The Battlefield) |
| 33 | utala kepeken wawa nasa (toki Inli: Spell of War) |
| 34 | tenpo sewi pi jan Sisimi (toki Inli: The Knighting of Shichimi) |
| 35 | sitelen telo sama (toki Inli: The Reflection) |
| 36 | utala kama (toki Inli: The Surprise Attack) |
| 37 | telo tan oko pi waso seli (toki Inli: The Tears of Phoenix) |
| 38 | jan sijelo (toki Inli: The Healer) |
tan sona
- ↑ 1.0 1.1 1.2 jan David Revoy li toki e ni lon lipu About. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan David Revoy li toki e ni lon lipu The end of Pepper&Carrot and my next project.. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ jan David Revoy li toki e ni lon lipu Translate the webcomic. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024
- ↑ sona ni li tan lipu lipu open - jan Pepa&soweli Kawa. mi lukin e lipu lon tenpo suno nanpa 19 lon tenpo mun nanpa 4 lon tenpo sike nanpa 2024