soweli Canis Familiaris

soweli Kani Pamilijali (Canis familiaris) anu soweli Kani Lupu Pamilijali (Canis lupus familiaris) anu soweli pona jan anu soweli tomo alasa li soweli tomo. soweli tomo ali la jan li nasin tomo e ona lon tenpo pini open. ni li lon tenpo sike pini nanpa 15,000.

soweli tomo Canus familiaris mute

tenpo suli a la jan li ante e ni: soweli seme li unpa e soweli seme. ni la soweli li kama pona tawa wile jan. nasin pi soweli tomo ni li mute li ante a tawa lukin. ona li ken pali e ijo pona mute: ona li ken moli e soweli, li ken tawa e soweli, li ken tawa e ijo, li ken awen e jan, li ken utala e jan ike, li ken pona tawa jan, li ken misikeke e pilin, li ken pali e ijo tawa jan pi ken lili. ona li kama pona mute a tawa jan tan ni: tenpo suli a la jan en soweli tomo ni li lon poka. soweli tomo ante ali la soweli tomo ni li pona nanpa wan tawa jan. ni la jan sona mute li wile kama sona e ijo pi olin soweli tawa jan e olin jan tawa soweli.

ona li moku la

ma mute la jan li moku e soweli ni lon tenpo ni anu tenpo pini, ma Asija en ma Apika en ma Elopa en ma Oselija en ma Amelika li lon.

ma Sonko

tenpo majuna^[nimi] la jan tan ma Sonko li moku e soweli ni. taso tenpo ni la jan mute pi ma Sonko li wile moku ala e soweli ni. tenpo ni la ma tomo tu taso pi ma Sonko li pana e lawa pi ken moku ala pi soweli ni li ma tomo Senten li ma tomo Suwe. tenpo ni la jan mute pi ma Sonko li awen moku e soweli ni. [[sitelen:Beijing.fondue a la viande de chien.specialitee Bouyei de Huajiang.jpg|thumb|240px|moku pi soweli Kani Pamilijali lon ma tomo Pesin

ma Tawan

ma Tawan la kulupu lawa li pana e lawa ni lon tenpo sike nanpa 2017: jan li ken ala moku e soweli Kani Pamilijali.

ma palisa pi ma Anku pi ma Soson

ma Anku

ma Anku la jan pi mute li moku e soweli ni, jan majuna en jan pi ma ante li moku e ona.

tenpo sike nanpa 2027 la jan ala li ken moku ala e soweli ni lon ma Anku.

ma Soson

ma Soson la jan li moku e soweli ni. jan Kin Isan li pana e nimi "moku soweli suwi" (단고기) tawa ona.

ma Nijon

jan pi mute lili li moku e soweli ni lon ma Nijon.

ma Wije

ma Wije la jan mute lon poka lete li moku e soweli ni. ma Wije la jan li pilin e ni: jan li moku e soweli ni la pona li kama.

ma Palata

ma Palata la jan li moku e soweli ni lon ma Misolan en ma Nakalan.

ma Malasija en ma Intonesija

nasin sewi Isilan la jan li ken ala moku e soweli ni tan ni: ona mute li ken ala (haram). taso jan pi mute lili pi nasin sewi Isilan ala li moku e soweli ni.

ma Simolete

ma Simolete la soweli ni li moku pona.

ma Pilipina

ma Pilipina la jan li ken moku ala e soweli ni taso kulupu jan nanpa wan lon ma Penke li moku e soweli ni.

ma Elopa

ike li kama ma Elopa la, jan pi ma Elopa li kama moku e soweli ni.

ma Kanse

esun pi soweli ni lon ma tomo Paki.

tenpo ni la jan li ken ala moku e soweli ni lon ma Kanse. taso tenpo pini la jan lon ma Kanse li ken moku e ona.

ma Tosi

ike li kama ma Tosi la, jan li moku e soweli ni. tenpo ni la jan li ken ala moku e soweli ni.