jan Jakonson

jan Jakonson li pali e kalama musi lon tenpo 2014

jan Jakonson (toki Inli: Jack Johnson) li jan kalama musi pi pilin pona tan ma Awawi lon ma Mewika. ona li kama open lon tenpo sike 1975. lon tenpo pali ona, ona li pali e kulupu kalama musi luka tu tu.

jan Jakonson li jan pali pona e ma. ona li wile e ni: telo suli ale li pona li ken jo e kala mute! tan ni, jan Jakonson en meli olin ona li open e Johnson Ohana Charitable Foundation e Kōkua Hawaii Foundation. ona li pali e kulupu kalama musi ona la ona li kepeken e wawa suno.

lon ona

mama ona li jan Jeponson (toki Inli: Jeff Johnson). ona li tawa lon telo suli kepeken palisa. tan ni, jan Jakonson li pali e ni. one li pali e ni la, ona li pakala e lawa ona. ike mute ! tenpo ni, ona li ken ala pali e ni la, ona li wile pali e kalama musi.

ona li lon tomo kama sona suli la, ona en jan pona ona li pali e kalama musi.

jan Jakonson li pali e kalama musi tan jan ni: jan Po Sila (Bob Dylan), jan Imi Ensi, (Jimi Hendrix), kulupu Latijo Jeto, (Radiohead), jan Osi Lesi (Otis Redding), kulupu Olin "G" en Ko Nasa (G. Love and Special Sauce), jan Pen Apa (Ben Harper), kulupu Supami (Sublime), kulupu Pijete (the Beatles), jan Po Mali (Bob Marley), jan Ni Jon (Neil Young), en Kulupu ni li Tawa (A Tribe Called Quest).

kulupu musi ona

lon tenpo pali ona, ona li pali e kulupu kalama musi laku tu tu :

• Toki pi Seli Lili pi Kasa Suwi (Brushfire Fairytales)
• Tawa en Awen Ala (On and On)
• Poki pi Toki Insa (In Between Dreams)
• Kalama Musi Lape pi Sitelen Tawa Suli pi Soweli Nasa en Wile Kama Sona (Sing-A-Longs and Lullabies for the film Curious George)
• O Lape lon Kalama Jaki (Sleep Through the Static)
• Tawa Telo Suli (To The Sea)
• Tan Lon Ni Tawa Tenpo Ni Tawa Sina (From Here to Now to You)
• En Suno Ale Lon Sewi (All the Light Above It Too)
• O Alasa e Suno Mun (Meet the Moonlight)