jan Neson Mantela

jan Neson Mantela Nelson Rolihlahla Mandela
ma	ma Setapika
pali	jan lawa jan pi pali ante lawa
kama lon	ma Setapika tenpo sike nanpa 1918
moli	ma Setapika tenpo sike nanpa 2013
kulupu	kulupu ANC
jan olin	jan Ewin Mase (1944-1958) jan Wini Mantela (1958-1996) jan Kase Mase (1998-2013)
jan lili	nanpa luka tu
sitelen nimi

jan Neson Mantela (toki Kosa: Nelson Rolihlahla Mandela) li jan lawa pi ma Setapika lon tenpo sike nanpa 1994 tawa tenpo sike nanpa 1999. pini tawa ni la, ona li wile ante e nasin lawa li utala e nasin Apate (apartheid). nasin Apate la, jan walo taso (mama ona li kama tan ma Elopa) li lawa e ma Setapika. lipu lawa la, jan pimeja o lon ma ante tan jan walo. ni li ike mute tawa jan pimeja. pali ona la, kulupu lawa pi ma Setapika pi tenpo ni li awen wawa e jan Neson Mantela lon tomo awen lon tenpo sike nanpa 1962.

tenpo sike nanpa 1990 la, kulupu lawa li weka e ona tan tomo awen. kulupu lawa li open toki tawa kulupu pi wile ante lawa. tenpo sike nanpa 1994 la, jan pimeja li ken pana e wile ona pi kulupu lawa sin. tan ni la, jan Neson Mantela li kama jan lawa sin li kama jan lawa pimeja nanpa wan lon ma Setapika.