ma Loma pi tenpo pini
- lipu ni li toki lon ma lawa suli pi tenpo pini. sina wile sona lon ma tomo la, o lukin e lipu ni: ma tomo Loma.
| ma Loma
Roma | |
|---|---|
| ma pi tenpo pini | |
| |
| ma tomo lawa | ma tomo Loma |
| ma suli | ma Elopa |
| toki lawa | toki Lasina |
| tenpo open | sike suno nanpa 753 BCE |
| tenpo pini | sike suno nanpa 1453 CE |
ma Loma (toki Lasina: Roma) li ma pi tenpo pini. jan pi ma Loma li toki Lasina. toki Lasina la nimi pi ma Loma li Imperium Romanum. nimi lili li Roma.
tan ni la ma Loma li lon: ma tomo Loma li ma tomo lili pi kulupu jan Lasina. ma tomo Loma la kulupu jan Lasena en kulupu jan ante li utala. taso ma tomo Loma la kulupu jan Lasena li pakala e jan ante li kama lawa e jan ante. ma tomo Loma li kama suli mute li kama ma tomo lawa suli. ona li kama lawa ma mute.
tenpo suli nanpa tu wan la ma lawa Loma li lon. tenpo nanpa wan la ma Loma pi jan lawa wan (toki Lasina: Regnum Romanum). tenpo nanpa tu la ma Loma pi lawa kulupu (toki Lasina: Senatus Populusque Romanus). tenpo nanpa tu wan la ma suli Loma (toki Lasina: Imperium Romanum).
ma Loma li suli mute li wawa mute li lawa e ma mute pi ma Elopa. tenpo wawa la, ona li lawa e ma mute pi ma Elopa e ma lili pi ma Asija pi ma Apika. lawa ona li open alasa pi nasin sewi Kolisu la, nasin sewi Kolisu li tawa mute.
tenpo pini
tenpo open
tenpo open la ma Loma jo e jan lawa mute. tenpo pi jan lawa Loma la tenpo suno sike 753 BCE - 509 BCE. tawa toki pi tenpo pini, tenpo suno sike 753 BCE la jan lawa Romulus li mama e ma tomo Loma. ona li jan lawa open Loma. tenpo sike suna nanpa 753 BCE 716 BCE la ona jan lawa pi ma Loma. jan Titi Liwi li toki e jan Romulus li weka lon kon.
tenpo pi kulupu lawa
tenpo sike 509 BCE la, jan Lucius Junius Brutus li mama e lawa kulupu Loma. tenpo pi kulupu lawa la jan tu li jan lawa pi ma Loma. tawa jan pi tenpo pini mute, tenpo pi kulupu lawa li 509 BCE - 23 BCE.
tenpo pi jan wan lawa
tenpo pi ma wan
tenpo suno sike 27 BCE la jan Okuse li kama e jan nanpa wan (toki Lasina: "Princeps") pi ma Loma.
tenpo pi ma tu
tenpo suno sike 395 la jan lawa Theodosius I pi ma Loma li moli la ma Loma li tu la ma Loma tu li lon. tenpo suno sike 476 la ma Loma nanpa wan la jan Tosi (Germanus) li pakala li lawa e ma Loma nanpa wan.
tenpo pi ma Loma nanpa tu
taso ma Loma nanpa tu li awen. tenpo pi lon sina la nimi sin pi ma Loma nanpa tu li ma Pasileja Loma. tenpo mute la ma Pasileja Loma li lon. taso tenpo sike 1453 la jan Tuki li pakala li lawa e ma Pasileja Loma.
tenpo ni
ma ni la tenpo pini la ma Loma pi tenpo pini li lawa: ma Epanja en ma Potuke en ma Italija en ma Kanse en ma Lominija en ma Kinla en ma Inli en ma ante.
sitelen
soweli meli li moku telo e ja Romulus en jan Remus
jan kiwen li sitelen e jan Lucius Junius Brutus, mama pi ma Loma
ja kiwen li sitelen e jan Okuse, jan nanpa wan pi ma Loma
.jpg)