ma Mesiko

ma Mesiko li lon ma Amelika seli li poka ma Mewika li poka ma Guatemala li poka ma Belize. ma Mesiko li poka telo suli Pacific li poka telo suli Caribbean li poka telo suli Golfo de México.

ma Mesiko li suli. jan mute li lon ni.

nimi

tenpo pini la ma New Spain li pini. tenpo ni la jan Mesiko li pana e nimi sin tawa ma ona. nimi ni li sama nimi pi ma tomo lawa ona. ma tomo lawa ona li México lon toki Nahuatl.

nimi "México" li nimi tu. nimi nanpa tu li -co li "ma." jan sona li pilin en ni: nimi nanpa wan li tawa tan nimi ''Mexitl''. nimi ni li nimi nanpa tu pi jan sewi Huitzilopochtli. ken la México li "ma pi jan sewi Huitzilopochtli" tan ni. jan sona ante li pilin e ni: nimi México li nimi mute (tu wan). nimi nanpa wan li metzli li "mun" lon toki pona. nimi nanpa tu li xictli li "insa" lon toki pona. nimi nanpa tu wan li "-co" li "ma" lon toki pona. nimi ni li wan la ona li toki e ni: "ma lon insa mun." telo Texcoco li "telo mun" lon toki pona. tenpo pin la ma tomo Mesiko li lon insa telo Texcoco. ken la nimi "México" li "ma lon insa mun" tan ni.

tenpo pini

tenpo mute pini la ma Mesiko li ma pi kulupu lawa Olmec en kulupu lawa Maya en kulupu lawa Aztec. tenpo ni li pini la jan Epanja li kama tawa ma Mesiko li anpa e jan ona.

tenpo pi kulupu lawa Epanja li pini la ma Mesiko li utala e kulupu Epanja li weka e ona. jan Miguel Hidalgo li jan lawa pi utala ni.

tenpo pi kulupu lawa Mesiko la jan lawa Antonio López de Santa Anna li suli tawa kulupu lawa. ona li lawa e ma Mesiko. ona li wile lawa wawa e ma Mesiko. taso jan pi ma Tesa li wile ala e lawa ona. ma Tesa li weka tan ma Mesiko tan ni. tenpo ni la ma Mewika li kama jo e ma Tesa. taso ni li ike tawa kulupu lawa Mesiko. ona li utala e ma Mewika tan ni.