ma meso pi jan Tokin

ma meso (toki Inli: Middle-earth) li ma lon ala tan lipu pi jan Tokin. lipu pi jan lawa pi sike wawa en lipu pi jan lili en lipu Simalilijon li lon ma meso. jan en jan sewi suli (Elves) en jan lili (Hobbits) en jan lili ma (Dwarves) li tan ma meso. taso, akesi seli ike en monsuta Oku li tan ma meso.

ma meso li ma suli pi ma Ata (Arda). tenpo nanpa wan (First Age) la, ma Ata li lipu. taso, tenpo nanpa 3 (Third Age) la, ma Ata li ante tawa sike. ma Ata li ante tawa ma mi tan tenpo nanpa 6 anu tenpo nanpa 7.

kulupu pi ma meso

kulupu jan Anu

kulupu jan Anu (Ainur) li jan tan sewi Elu Iluwata (Eru Ilúvatar). kulupu jan Anu suli li jan Wala (Valar) en kulupu jan Anu anpa li jan Maja (Maiar). jan Solon (Sauron) en jan Molo (Morgoth) li jan Anu ike. jan Kanta (Gandalf) en jan Saluman (Saruman) en jan Lataka (Radagast) li jan Itali (Istari). jan Itali li jan Anu.

jan sewi suli

jan sewi suli (Elves) li kulupu jan majuna. ona li sona mute. ona li toki e toki Kenja (Quenya) li toki e toki Sintalin (Sindarin). jan sewi suli li ken moli ala.

jan

jan (Men) li ken moli. taso, kulupu jan pi ma Numeno (Númenor) li ken lon tawa tenpo suli.

jan lili ma

jan lili ma (Dwarves) li lili tawa jan li suli tawa jan lili. ona li lon anpa nena li toki e toki Kusu (Khuzdul). mije en meli li jo e linja sinpin suli.

jan lili

jan lili (Hobbits) li lili tawa jan. ona li tan ma Saja (Shire).

akesi seli

akesi seli li monsuta ike. akesi Samake (Smaug) li akesi seli suli. mama pi akesi seli ale li akesi Kalun (Glaurung).

monsuta Oku

monsuta Oku (Orcs) li monsuta ike. ona li jasima tawa jan sewi suli; jan sewi suli ike li ante tawa monsuta Oku. ona li moku e jan li toki e toki pimeja (Black Speech). monsuta Uluka (Uruk-hai) li monsuta Oku ante.