ma tomo San Palu

lipu ni li toki lon ma tomo. sina wile sona lon kipisi ma la, o lukin e lipu ni: ma San Palu.

ma tomo San Palu (toki Potuke: São Paulo [sɐ̃w ˈpawlu]) li ma tomo lawa pi ma lili San Palu. mute jan la ona li nanpa wan pi ma Pasila.

ma tomo San Palu São Paulo
ma tomo
sitelen pi ma tomo San Palu
len ma	sitelen lawa
ma tomo San Paulo lon ma lili San Palu
ma suli	ma Pasila
ma lili	ma San Palu
toki lawa	toki Potuke
jan lawa	jan Likato Nune
tenpo open	tenpo sike 1554
mani	mani Lija pi ma Pasila (R$)
tenpo	UTC−03:00
lipu ilo	http://www.capital.sp.gov.br/

nasin mani GDP la ma tomo San Palu li jo e mani mute.

sona ma

ma tomo San Palu li jo e nena ma mute. tenpo pini la ma lili San Palu li ma kasi Alansi (toki Potuke: Mata Atlântica). taso, tenpo ni la ma kasi ni li pakala mute. telo li kama mute tan sewi lon ma tomo San Palu. tan ni la jan li pana e nimi "ma pi telo tan sewi" (toki Potuke: Terra da Garoa) tawa ma ni.

kon en telo li jaki. nasin telo Sijete (toki Potuke: Rio Tietê) li nasin telo pi jaki mute.

sona jan

mute jan la ma tomo San Palu li nanpa wan pi ma Pasila. tenpo pini la jan mute li tawa ma ni tan ni: jan li wile e mani. jan pi ma Pasila ala la ma tomo San Palu li jo e jan Italija e jan Potuke e jan Apika e jan Alapi e jan Nijon e jan Tosi e jan Kanse e jan Elina e jan Sonko e jan mute ante kin.

ma tomo lili Lipetasi (ma Potuke: Liberdade) li jo e jan Nijon e jan Sonko e jan Anku mute.

sona lawa

sitelen ma pi ma lili pi ma tomo San Palu

ma tomo San Palu li ma tomo lawa pi ma lili San Palu. ona li jo e kipisi lawa pi ma tomo (toki Potuke: subprefeituras) 32. ma tomo lili lawa ni li ken jo e kipisi lili (toki Potuke: distritos).

kipisi lawa pi ma tomo San Palu li ni:

• kipsi ma Alikanduwa (toki Potuke: Aricanduva)
• kipisi ma Putantan (toki Potuke: Butantã)
• kipisi ma Kanpu Linpu (toki Potuke: Campo Limpo)
• kipisi ma Kapela Tu Sokolu (toki Potuke: Capela do Socorro)
• kipisi ma Kasa Wesi (toki Potuke: Casa Verde)
• kipisi ma Atema (toki Potuke: Cidade Ademar)
• kipisi ma Silatensi (toki Potuke: Cidade Tiradentes)
• kipisi ma Emelino Matalaso (toki Potuke: Ermelino Matarazzo)
• kipisi ma Pekesija Tu O/Pasilansija (toki Potuke: Freguesia do Ó/Brasilândia)
• kipisi ma Kuwajanasi (toki Potuke: Guaianases)
• kipisi ma Ipilanka (toki Potuke: Ipiranga)
• kipisi ma Itawin Pajulita (toki Potuke: Itaim Paulista)
• kipisi ma Itakela (toki Potuke: Itaquera)
• kipisi ma Sabakala (toki Potuke: Jabaquara)
• kipisi ma Lapa (toki Potuke: Lapa)
• kipisi ma Inpo Milin (toki Potuke: M'Boi Mirim)
• kipisi ma Moka (toki Potuke: Mooca)
• kipisi ma Palalelu (toki Potuke: Parelheiros)
• kipisi ma Penja (toki Potuke: Penha)
• kipisi ma Pelu (toki Potuke: Perus)
• kipisi ma Pinjelu (toki Potuke: Pinheiros)
• kipisi ma Pilitupa/Salaka (toki Potuke: Pirituba/Jaraguá)
• kipisi ma Se (toki Potuke: Sé)
• kipisi ma Santana (toki Potuke: Santana/Tucuruvi)
• kipisi ma Sasana/Temenpe (toki Potuke: Jaçanã/Tremembé)
• kipisi ma Santu Amalu (toki Potuke: Santo Amaro)
• kipisi ma San Mateju (toki Potuke: São Mateus)
• kipisi ma San Mikelu Pajulita (toki Potuke: São Miguel Paulista)
• kipisi ma Sapopenpa (toki Potuke: Sapopemba)
• kipisi ma Wila Malija/Wila Kilemi (toki Potuke: Vila Maria/Vila Guilherme)
• kipisi ma Wila Malijana (toki Potuke: Vila Mariana)
• kipisi ma Wila Putensi (toki Potuke: Vila Prudente)