musi pi jan lawa moli
musi pi jan lawa moli anu musi pi lawa mije moli li musi supa utala pi jan musi tu. jan tu li lawa e kulupu pi ijo musi. jan wan li jo e kulupu walo la, jan ante li jo e kulupu pimeja.
open musi la, jan wan li jo e ijo musi luka luka luka wan. ijo musi ni li lawa mije wan, li lawa meli wan, li tomo utala tu, li lawa sewi tu, li soweli tawa tu, li jan utala luka tu wan. supa musi li jo e leko[nimi] 64. jan tu li utala kepeken musi ni tawa ni: ona li wile anpa e lawa mije pi jan ante.
jan pi ma ale li musi e musi pi jan lawa moli. jan li toki e ni: tenpo pini mute la, ona li kama tan ma Palata. taso, musi ni li kama ante. musi pi jan lawa moli pi tenpo ni li kama lon ma Elopa. musi ante pi sama lili pi musi ni li kama lon ma ante: musi Sansi li kama lon ma Sonko, musi Soki li kama lon ma Nijon.
tenpo ni la, jan li ken musi e musi pi jan lawa moli kepeken ilo nanpa.