musi pi jan lawa moli
musi pi jan lawa moli li musi supa utala pi jan musi tu. jan tu li lawa e kulupu pi ijo musi. jan wan li jo e kulupu walo la, jan ante li jo e kulupu pimeja.
open musi la, jan wan li jo e ijo musi luka luka luka wan. ijo musi ni li ijo lawa wan, li ijo wawa wan, li ijo tomo tu, li ijo sewi tu, li ijo soweli tu, li ijo lili luka tu wan. supa musi li jo e leko[nimi] 64. jan tu li utala kepeken musi ni tawa ni: ona li wile anpa e ijo lawa pi jan ante.
jan pi ma ale li musi e musi pi jan lawa moli. jan li toki e ni: tenpo pini mute la, ona li kama tan ma Palata. taso, musi ni li kama ante. musi pi jan lawa moli pi tenpo ni li kama lon ma Elopa. musi ante pi sama lili pi musi ni li kama lon ma ante: musi Sansi li kama lon ma Sonko, musi Soki li kama lon ma Nijon.
tenpo ni la, jan li ken musi e musi pi jan lawa moli kepeken ilo nanpa.
nasin musi
supa
supa musi li jo e "nasin tawa" 8 pi tan sinpin tawa monsi, e "nasin poka" 8 pi tan poka tawa poka ante. nasin wan li jo e leko 8. supa musi li jo e leko 64 e leko walo 32 e leko pimeja 32.
ijo musi
| sitelen walo | nimi ijo
(nimi ante) |
sitelen pimeja |
|---|---|---|
|
ijo lawa
(jan lawa) (lawa mije) |
|
|
ijo wawa
(lawa meli) |
|
|
ijo tomo
(tomo tawa) |
|
|
ijo sewi
(lawa sewi) |
|
|
ijo soweli
(soweli tawa) |
|
|
ijo lili
(jan utala) |
|