toki Epanja

toki Epanja español castellano
kalama	[espaˈɲol] [kasteˈʎano]
ma	ma pi toki Epanja ma Alensina ma Antola ma Ekuwato ma Epanja ma Ontula ma Kosalika ma Kupa ma Mesiko ma Sile ma Palakawi ma Panama ma Pelise ma Pelu ma Penesuwela ma Polipija ma Tominika ma Ulukawi ma Katemala
kulupu toki	Palata Elopa
nasin sitelen	sitelen Lasina
nanpa toki
ISO 639-1	es
ISO 639-2	spa
ISO 639-3	spa

toki Epanja (toki Epanja: español) anu toki Katejano (toki Epanja: castellano) li toki pi kulupu toki Loma tan ma Epanja. jan pi ma Epanja en jan mute pi ma Amelika seli li kepeken ona. taso ona li toki suli pi ma ale.

nimi toki

nimi español lon kule laso en nimi castellano lon kule loje

nimi tu li lon. jan mute li kepeken nimi español. taso jan ante li kepeken nimi castellano. nimi español li tan nimi Hispaniola pi toki Lasina. nimi castellano li tan nimi pi ma lawa Kasija (toki Epanja: el reino de Castilla).

nimi pi toki pona li tan nimi ma España.

kulupu pi toki Epanja

kulupu pi toki Epanja li lon ma Epanja li lon ma mute pi ma Amelika seli. toki Epanja li kama tan toki Lasina. jan li sitelen e toki Epanja kepeken sitelen Lasina.

ma pi toki Epanja

toki Epanja li toki pi nanpa wan lon ma ni:

• ma Alensina
• ma Antola
• ma Ekuwato
• ma Epanja
• ma Katemala
• ma Kosalika
• ma Kupa
• ma Mesiko
• ma Ontula
• ma Sile
• ma Palakawi
• ma Panama
• ma Pelise
• ma Pelu
• ma Penesuwela
• ma Polipija
• ma Tominika
• ma Ulukawi

ma ante mute li toki e ni kin. taso toki Epanja li toki lawa ala lon ma ante ni.

kalama

kalama open pi toki Epanja

kalama open

	sinpin	monsi
sewi	i	u
insa	e	o
anpa	a

kalama pini

	selo tu		kiwen		nena uta	monsi nena	sewi kiwen	sewi ko
nena	m				n		ɲ
pini	p	b	t	d		tʃ	ʝ~j	k	g
kon tawa	f		θ~s*		s	(ʃ)		x~h
kon poka					l		ʎ~j*
pini lili					ɾ
sijelo tawa					r

• kalama ni li ken ante lon toki kule

sitelen pi toki Epanja

toki Epanja li sitelen kepeken toki Lasina. sitelen Lasina ale li lon ala toki Epanja: sitelen W en sitelen K li lon nimi pi ma ante taso.

sitelen ni li sama kalama ni tawa kute:

B/V CH D F H J L LL M N Ñ P QU S T Y Z

[b][tʃ][d][f][-][x][l][ʎ/ʝ][m][n][ɲ][p][k][s][t][ʝ][θ]

A E I O U

[ä][e̞][i][o̞][u]

sitelen ni li sama ala kalama ni tawa kute lon tenpo ala li kama ante lon poka pi kalama E, li kama ante lon poka pi kalama I:

C G X

[k/θ] [g/x] [ks/s]

sitelen pi toki Epanja:

A (A)

B (Be)

C (Ce)

D (De)

E (E)

F (Efe)

G (Ge)

H (Ache)

I (I)

J (Jota)

K (Ka)

L (Ele)

M (Eme)

N (Ene)

Ñ (Eñe)

O (O)

P (Pe)

Q (Cu)

R (Erre)

S (Ese)

T (Te)

U (U)

V (Uve)

W (Uve doble)

X (Equis)

Y (I griega)

Z (Zeta)

nimi poki

		wan				mute
		kin			kin ala	kin			kin ala
		tan	tawa	jo	tawa	tan	tawa	jo	tawa
jan pi nanpa wan	mije	yo	mi		me	nosotros		nuestro	nos
	meli					nosotras		nuestra
	tonsi*					nosotres		nuestre
jan pi nanpa tu	mije	tú	ti	tu	te	vosotros		vuestro	os
	meli					vosotras		vuestra
	tonsi*					vosotres		vuestre
jan pi nanpa tu wan	mije	el		su	le	ellos		sus	les
	jan*	ello				ellos
	tonsi*	elle				elles
	meli	ella			la	ellas			las

• toki tonsi li kepeken mute ala.

jan pi nanpa tu tu

toki Epanja li jo e nasin pi jan kule. toki Epanja li ante tawa mije, tawa meli.

	selo		selo ala
	wan	mute	wan	mute
meli	la	las	una	unas
tonsi*	le	les	une	unes
mije	el	los	un	unos
jan*	lo		uno

• jan li kepeken e nimi poki pi jan kule sona ala.
• toki tonsi li kepeken mute ala.

nimi selo sona

nimi pi toki Epanja li jo e sona tan ni li wan taso ni li namako tan wan (mute, luka...)

ale nimi li wan, ni li namako tan wan la sina jo e tu nasin:

nimi ni li pini tan kalama lili la sina pana e "-s" tan nimi ni.

nimi ni li pini tan kalama suli la sina pana e "-es" tan nimi ni.

taso ale ala nimi li pona, nimi pi mute lili li kepeken ala e nasin ni.

	"casa" tomo	"color" kule	"robot" ilo jan
wan	casa	color	robot
mute	casa-s	color-es	robot-s

ale nimi pi toki Epanja li jo e toki kulupu, ni li ken e toki mije, taso toki meli.

mute nimi li jo e wan toki kulupu, taso mute lili ken jo e sona pi toki kulupu

kin, nimi pilin o sona e toki kulupu.

nimi li pini tan kalama lili:

toki mije li pini e "-o" tan wan, e "-os" tan mute.

toki meli li pini e "-a" tan wan, e "-as" tan mute.

toki tonsi li pini e "-e" tan wan, e "-es" tan mute, taso toki tonsi li kepeken mute ala.

nimi li pini tan kalama suli:

toki mije li pini e ala tan wan, e "-es" tan mute.

toki tonsi li pini e "-e" tan wan, e kin "-es" tan mute, taso toki tonsi li kepeken mute ala.

taso ale ala nimi li pona, nimi pi mute lili li kepeken ala e nasin ni.

	"amigo" jan pona			"bailador" jan pi kama musi			"actor" jan pi pali sama
	mije	meli	tonsi	mije	meli	tonsi	mije	meli	tonsi
wan	amig-o	amig-a	amig-e	bailador	bailador-a	bailador-e	actor	actriz	actor-e
mute	amig-os	amig-as	amig-es	bailador-es	bailador-as	bailador-es	actor-es	actric-es	actor-es

nimi pi toki Epanja

• toki! = ¡Hola!
• mi tawa. / tawa pona. = Adiós.
• mi wile e ___. = (Yo) Quiero ___.
• mute seme? = ¿Cuánto?
• tomo telo li lon seme? = ¿Dónde está el baño?
• sina sona ala sona e toki pona? = ¿Habla usted toki pona?
• mi sona ala. = No sé.
• nimi sina li seme? = ¿Cómo te llamas?
• nimi mi li ____. = Mi nombre es ____. / Me llamo ____.
• mi wile moku. = Tengo hambre.
• mi = yo
• sina = tú
• ona = él / ella / elle (mije la ona li nimi él. meli la ona li nimi ella. tonsi la ona li nimi elle.)
• mi pona lukin! = Soy guapo/guapa/guape (sina mije la o kepeken nimi guapo. sina meli la o kepeken nimi guapa. sina tonsi la o kepeken nimi guape.)