uta
uta li ijo sijelo wan. ona li lupa lon lawa. kiwen uta en palisa uta li lon uta. jan ale en soweli ale en akesi ale en kala mute en pipi mute li jo e uta. uta li ken pali e ijo mute.
uta li ken moku. ona li ken pakala e moku. ona li ken pali e ni kepeken kiwen uta. uta li ken pilin e moku. ona li ken pali e ni kepeken palisa uta.
uta li ken kama jo e kon. kon li kama insa sijelo tan uta.
jan li ken toki kepeken uta. kalama toki li kama tan insa uta. soweli en akesi en pipi li kalama taso kepeken uta. kala li ken ala kalama kepeken ona.
uta li ken pali e kalama musi. kalama ni li kama tan uta li tawa lon kon. jan en waso li pali e ni.
jan li ken unpa uta kepeken uta.
uta li ken utala kepeken kiwen uta.
soweli li ken lete e sijelo ona kepeken uta. ona li open e uta la seli li weka tan sijelo ona.
