utala lete

utala lete li utala pi ma Sesesele en ma Mewika. utala lete li open lon sike suno 1947. utala lete li pini lon sike suno 1991. ma Sesesele li jo e nasin Komunisimu. ma Mewika li jo e nasin Kapitalisimu. ma tu li jo e ilo utala wawa pi wan ijo Atomo. ma wan li open utala e ma ante kepeken ilo ni, la ma tu li open utala kepeken ilo utala wawa pi wan ijo Atomo. tenpo pini la, ma mute pi ma Elopa li olin e nasin Komunisimu anu nasin Kapitalisimu. len pi kiwen walo li kipisi e ma pi ma Elopa. lon sike suno 1991, ma Sesesele li kipisi. tan ni, utala lete li pini.