lipu "ma Juke" la tenpo tu la ante li ni

{{nimi ijo|'''ma Juke'''|United Kingdom|toki Inli|ma wan pi jan lawa}} li ma lon [[telo suli Alansi]], lon [[kulupu ma Piten]], lon poka pi ma suli pi [[ma Elopa]]. ma Juke li jo e ma lili tu tu: e [[ma Inli]] e [[ma Sukosi]] e [[ma Kinla]] e [[ma Alan lete]]. ma Alan lete li lon poka pi [[ma Alan|ma lawa Alan]].  

[[ma tomo lawa]] ona li [[ma tomo Lanten]]. jan lawa pi ma Juke li [[jan lawa Elisepe tu]] li [[jan Powi Sonsen]]. ma Inli li ma pi suli nanpa wan lon ma Juke. jan mute pi ma Sukosi en ma Alan lete li wile ma ona tawa pali e ni: kama weka pi kulupu ma Juke. tenpo pini la, [[ma lawa suli Piten|ma Juke li lawa e ma mute ante]]. tan ni, jan mute pi ma mute li toki e toki Inli. taso, ma ni li kama weka. taso, ma Juke li jo e wawa kin lon tenpo ni. tenpo ni la ma Kinla en ma Sukosi en ma Alan lete li jo e kulupu lawa lili. taso ma Inli li jo ala e ni. tan ni la jan mute pi ma Sukosi anu ma Kinla anu ma Alan lete li ken pali e ijo tawa ma Inli. taso ma Inli li ken ala pali e ni tawa ona mute.

tenpo sike 43 la, [[ma Loma]] li lanpan e ma Piten. ma Piten li jo e kulupu jan pi [[kulupu toki Kelita]]. lawa pi ma Loma li weka la, kulupu jan pi [[kulupu toki Kemani]] li tawa ma Piten. kulupu jan ni li kama toki e {{nimi ijo|toki Inli pi tenpo pini|Old English}}.  

[[ma Inli]] li kama wan lon tenpo sike 927. tenpo sike 1066 la, kulupu jan Noman li lanpan e ma Inli. [[jan Wilijun pi lanpan ma]] li jan lawa nanpa wan pi [[ma Noman]]. ni la, nimi mute pi [[toki Kanse]] li kama lon toki Inli.