lipu "ma Juke" la tenpo tu la ante li ni

tenpo sike 43 la, [[ma Loma]] li lanpan e kipisi pi ma Piten. lawa pi ma Loma li weka la, kulupu jan pi [[kulupu toki Kemani]] li tawa ma Piten. kulupu jan ni li kama toki e {{nimi ijo|toki Inli pi tenpo pini|Old English}}. ona li kama e kulupu jan Inli. toki pi kulupu Kelita pi tenpo pini li kama [[toki Kinli]] li kama [[toki Kenu]]. tawa pi kulupu jan Inli li wawa e ona tawa [[ma palisa]] pi ma Piten lon suno pini.

[[ma Inli]] li kama wan lon tenpo sike 927. tenpo sike 1066 la, kulupu jan Noman li lanpan e ma Inli. [[jan Wilijun pi lanpan ma]] li jan lawa nanpa wan pi ma Inli tan [[ma Noman]]. nimi mute pi [[toki Kanse]] li kama lon toki Inli. taso tenpo mute la, kulupu lawa Noman li kama wan e kulupu jan Inli li kama toki e toki Inli. ma Inli li lanpan e ma Kinli ali li lanpan e ma Alan kipisi. ona li pali tawa anpa ma Sukosi kin, taso ona li pakala. ma Inli li jo e ma lon ma Kanse tan tenpo pi ma Noman kin. taso, ma lawa Kanse li lanpan e ma ni lon {{nimi ijo|utala pi tenpo mute|Hundred Years' War|toki Inli}}. lon tenpo ni, ma Sukosi li open e kulupu pona lon ma Kanse. tenpo sike 1348 la, [[ike sijelo Puponi]] li kama tawa ma Inli lon "[[moli pimeja]]" li moli e jan mute mute a.

kulupu pi tenpo sike mute nanpa 16 la, jan mute lon ma Elopa li pilin ike tawa [[kulupu Katolika|kulupu sewi Katolika]]. ona li open e [[nasin sewi Potesu]]. tenpo sama la, [[jan lawa Enwi nanpa luka tu wan]] pi ma Inli li wile e ni: tawa weka e meli olin ona. taso, kulupu Katolika li toki e ni tawa ona: jan ken weka ala e [[wan olin]]. tan ni, ona li weka e kulupu Katolika li open e kulupu sewi sin pi ma Inli lon tenpo sike 1534. ni li open pi [[nasin sewi Ankikan]]. ona li utala e tomo sewi pi kulupu Katolika. tan ni, tenpo utala pi nasin sewi li kama lon kulupu ma Piten.