jan Enwi Kisinsa

jan Enwi Kisinsa Henry Kissinger
ma	ma Mewika
pali	jan pi kulupu lawa
kama lon	ma Tosi 1923
moli	ma Mewika 2023

jan Enwi Kisinsa (Henry Kissinger) li jan pi kulupu lawa, li jan toki pi ma ante. jan Wika Nison en jan Kewa Po la, ona li jan lawa pi lawa ma (Secretary of State). ona li suli mute tawa nasin lawa pi ma ante pi ma Mewika.

jan Kisinsa la, ma Mewika en ma Sonko li open e toki. utala pi ma Wije la, jan Kisinsa li toki e pini utala. taso, kin la, ma Mewika li pana e ilo pakala lon ma Kanpusi. ma Sile la, jan Kisinsa li pilin pona tawa ni: kulupu utala pi ma Sile li weka e lawa pi jan Sawato Ajente li moli e ona. kin la, ona li pilin pona tawa ni: kulupu utala pi ma Pakisan li utala li moli e jan pi ma Panla. tan ni la, jan mute li toki e ni: jan Enwi Kisinsa li jan pi ike utala.