jan Kajekosu Sapusi Sowapi

jan Kajekosu Sapusi Sowapi (toki Inli: Kaikhosru Shapurji Sorabji) li jan pi kalama musi tan ma Inli. tenpo sike nanpa 1892 la, ona li kama lon lon ma tomo Lanten. mama ona li jan Sapusi Sowapi li jan Matelin Osi. ona li pana e nimi Lijon Toti Sowapi tawa ona. taso, ona li ante e nimi ona.

ona li sitelen e kalama musi li kepeken ilo kalama pimeja walo. ni li kalama musi suli ona:

• ma Kulitan: kalama musi pi tenpo pimeja (toki Ilan: گلستان)
• kalama musi suli Kapisenpalisikun (toki Lasina: opus clavicembalisticum)
• kalama musi suli nanpa luka: kalama musi suli Akimasikun (toki Lasina: opus archimagicum)

tenpo sike nanpa 1936 la, ona li kama pini pana e kalama ona tawa jan mute pi tenpo sama li kama pana e kalama lon lipu taso. kin la ona li kama toki e ni: jan ale o kalama ala e kalama ona tawa jan pi tenpo sama. tenpo mute la, ona li lon ala poka pi jan ante. ona li kepeken tenpo ni tawa pali pi kalama musi sin. tenpo sike nanpa 1976 la, ona li kama e ni: sin la, jan ante li ken kalama e kalama ona. tenpo sike nanpa 1988 la, ona li moli.

ike la lipu ni li lili. sina wile pona e ona la sina ken suli e ona.