jan pi awen lon tomo

jan pi ike tawa kulupu lawa

sitelen li tan ma Isale. jan pi awen lon tomo ni li ken ala weka tan kulupu lawa.

jan li pali ike tawa kulupu lawa ma la ona li ken kama jan pi awen lon tomo. tenpo lili anu tenpo suli la ona li ken ala weka tan tomo ni tan kulupu lawa.

jan pi wile awen lon tomo

sitelen li tan ma Nijon. jan pi wile awen lon tomo.

jan pi wile awen lon tomo (toki Inli: Hikikomori, toki Nijon: ひきこもり) la ona li pilin ike tawa kulupu ona la tenpo suli la ona li awen lon insa tomo ona. tenpo mute la ona li lon ala tomo sona kulupu, li wile ala weka tan tomo lon. jan mute pi nasin ni la kulupu mama ona li pona tawa ona, li pona e ona.

ma Nijon la, jan mute pi nasin ni li lon. kulupu lawa en kulupu lon li toki e ni: nasin ni li ike tawa sijelo, li ike tawa lawa.

tenpo pi jaki Kolona la jan mute o awen lon tomo. ken la jan pi mute lili kin li kama jan pi wile ni.

ㅤ

jan awen pi tenpo pi jaki Kolona

sitelen li tan ma Kanse. jan mute o lon tomo. tan ni la ma ante la jan li lon ala.

ℹ️ lipu suli: tawa suli pi jaki Kolona

tenpo pi jaki Kolona la kulupu lawa mute li toki e ni: jan mute pi ma mute o awen lon tomo tan ni: jaki Kolona li ken ike e sijelo, li ken moli e jan. taso la tan ni la jan mute li awen lon tomo pi tenpo suli la ona li kama wile ala weka.