lipu sewi Pipija

lipu sewi Pipija li lipu sewi pi nasin sewi Kolisu. jan mute mute li jo e lipu sewi ni. jan li pana e ona tawa toki mute mute. jan pi sona toki mute li pali kepeken nimi pi lipu sewi ni.

toki pona

lipu sewi Pipija li suli mute tawa jan pi sona toki. tan ni la jan pi toki pona li pana kin e ona tawa toki ona. jan mute li pali e ni:

jan Sami

tenpo suno 2006 la jan Sami li kama pali e ni: ona li pana e lipu sewi Pipija tawa toki pona. tenpo wan la ona li pana e lipu nanpa wan pi jan Mose tawa toki pona. tenpo ni la wan pi nanpa luka wan li lon toki pona.

pana toki ona li sama e ni:

lipu nanpa wan pi jan Mose
1. tenpo wan la jan sewi Jawe li pali e sewi laso en ma suli.
2. taso, ma suli li jo e ala. ale li pimeja.
   jan kon pi jan sewi Jawe li sewi pi telo suli.
3. jan sewi Jawe li toki e: "o suno li wile". suno li kama.
4. jan sewi Jawe li lukin e suno li pilin: suno li pona.
   jan sewi Jawe li pana e suno sama ala pi kon pimeja.
5. jan sewi Jawe li pana e nimi pi suno: tenpo suno.
   jan sewi Jawe li pana e nimi pi kon pimeja: tenpo pimeja.
   tenpo ni li tenpo suno nanpa wan.

sina ken lukin e lipu sewi Pipija tan jan Sami lon ni: 1.1, 1.2 & 1.3, 1.4 & 1.5, 1.6

jan Stephen Todd Pope

jan Stephen Todd Pope li pana e wan ante pi lipu sewi Pipija tawa toki pona. ona li pana e ona tawa lipu sina lon ilo Intene.

pana toki ona li sama e ni:

ma tomo pi toki nasa
1. jan ali li kepeken e toki wan sama.
2. jan li kama tan nasin pi kama suno li kama tawa ma Sinale li awen lon ni.
3. jan li toki e ni: "o kama! mi mute o pali e kiwen. o seli e ona."
4. jan mute li toki e ni: "o kama! mi mute o pali e tomo mute e tomo palisa suli.
   sewi pi tomo palisa li lon sewi kon. nimi pi mi mute o kama suli!
   mi wile ala e ni: mi mute li lon ma ante mute."
5. jan sewi Jawe li kama anpa li lukin e ma tomo e tomo palisa.
6. jan sewi Jawe li toki e ni:
   jan li lon ma wan li kepeken e toki sama li pali e tomo palisa.
   tenpo ni la ona mute li ken pali e ijo ike mute.
7. mi wile tawa anpa li wile pakala e toki pi jan mute ni.
   mi wile e ni: jan li sona ala e toki pi jan ante.
8. jan sewi Jawe li kama e ni:
   jan li lon ma mute li ken ala pali e tomo.
9. nimi pi ma tomo ni li toki nasa tan ni:
   jan sewi Jawe li pakala e toki pi jan ali.
   tan ma tomo toki nasa la jan sewi Jawe li tawa e jan tawa ma mute.

sina ken lukin e lipu sewi Pipija tan jan Stephen Todd Pope lon ni.

jan Oli

jan Oli li jan ante li pana kin e wan pi lipu sewi Pipija tawa toki pona.

pana toki ona li sama e ni:

lipu nanpa wan pi jan Mose
1. tenpo pini mute mute la jan sewi li pali e sewi e ma.
2. ma li pakala li pimeja.
   kon pi jan sewi li tawa lon sewi telo.
3. jan sewi li toki e ni: suno o lon (or: mi wile e suno). suno li lon.
4. jan sewi li lukin e suno. suno li pona. jan sewi li tu e suno tan pimeja.
5. jan sewi li pana e nimi "suno" tawa suno e nimi "pimeja" tawa pimeja.
   pimeja en suno li tenpo suno pi nanpa wan.

sina ken lukin e lipu sewi Pipija tan jan Oli lon ni.