moku Tenpula
Jump to navigation
Jump to search
moku Tenpula (toki Nijon: 天ぷら, "moku kasi pi selo lon telo seli", toki Inli: Tempura) li moku tan ma Nijon.
sona pi pali moku[o ante | o ante e toki ilo]
ni li pali pi moku Tenpula. ona li lon telo namako seli.
wile open pali la jan o kama jo e kasi moku. pini ni la o kepeken ko. ko li ken lon kepeken ijo ni: sike moku waso en telo lete en ko pan.
o lon insa e ijo ale ni lon supa sike. o kepeken ala moku mute. jan li kepeken moku mute la moku li ken pakala li ken ike.
o wan e ona ale lon tenpo pi lili mute kepeken ilo moku palisa tu. tan tenpo lili la, moku li jo e nena, li pona tawa uta.
pini ni la o kipisi e moku kasi. moku o tawa telo ko seli moku.
tenpo pini[o ante | o ante e toki ilo]
jan pi ma Elopa li kama tawa ma Nijon la, ona li pana e moku pi sama lili tawa jan pi ma Nijon. taso la, tenpo ni la, moku ni li kama ante lon ma Nijon, li kama jo e nimi Tenpula.