mun Popo

tan Wikipesija
o tawa poki nasin o tawa alasa
sitelen pi mun Popo

mun Popo (toki Elena: Δεῖμος) li mun lili li tawa sike lon mun Masi. suli pi mun ni li lili li sama linja Metu 27000. taso, mun Temo la, ona li suli. ona li jo e lupa mute li jo ala e kon. nimi pi mun Popo li sama jan sewi tan nasin sewi Elena. jan sewi ni li jan pi pilin monsuta.

ilo pi mun Popo[o ante | o ante e toki ilo]

ma Sesesele li pana e ilo mun tu tawa mun Popo. ilo ni li kulupu pi ilo Popo (toki Losi: Фобос). ona tu li pakala. ilo Popo nanpa wan li pakala tan ni: ona li tawa Masi la ona li ken ala toki tawa ma Sesesele. ilo Popo nanpa tu li kama tawa mun Popo. ona li sitelen mute e mun ni. ona li wile pana e ilo tu tawa selo. taso, ni la, ona li ken ala toki tawa ma Sesesele.