nena ma Lomo
Jump to navigation
Jump to search
nena ma Lomo (toki Inli: Mount Rushmore) anu nena ma Tunkasila Sape (toki Lakota: Tȟuŋkášila Šákpe) li nena ma lon ma Satakota. sitelen kiwen pi jan lawa 4 pi ma Mewika li lon nena ni. jan Kuton Polun li pali e sitelen ni. pali pi sitelen ni li open tan tenpo sike nanpa 1927 li pini tan tenpo sike nanpa 1941.
ma Mewika li lanpan e nena ma Lomo tan kulupu jan Osesi Sakowin. ona li lanpan e nena ni tan tenpo sike nanpa 1877. kulupu lawa suli pi ma Mewika li pana e mani Tala $102,000,000 tawa kulupu jan Osesi Sakowin. taso, kulupu jan ni li wile ala e mani tan ni: ona li wile e ma ona. nena ma ni li sewi tawa kulupu jan Osesi Sakowin.