pan Mosi
pan Mosi (toki Nijon: もち、餅 [motɕi], "pan suwi ko pi ma Nijon") li moku tan ma Nijon. ona li suli tawa jan. jan mute li moku e ona lon tenpo musi mute pi ma Nijon. taso la, tenpo ante kin la, jan li awen moku e ona.
sona pali pi tenpo pini[o ante | o ante e toki ilo]
tenpo pini la jan li wile pali e pan Mosi la ona li ni:
o kepeken ijo ni: poki pakala kiwen en ilo pakala kiwen.
o jo e ijo moku ni: pan palisa lili en telo.
ken la ijo namako ni li pona: ko suwi.
o telo tawa e pan lili. telo li kama walo ala la o telo tawa ala e pan.
o lon insa telo e pan lon tenpo suli. (tenpo pimeja suli li tenpo pona)
o weka e telo lon pan.
o seli e pan lon sewi telo seli. pan li kama ko pona la o weka e ona.
o tawa poki pakala e pan pi kama seli.
o open pakala e pan seli ni. pan o kama ko mute, o nena ala.
pan li open kama ko mute la o tawa insa ona e ona. tan ni la kon li ken lon insa ona.
pan li pini kama ko mute la o ijo sike lili e ona. ni li pini.
sona pali pi tenpo sin[o ante | o ante e toki ilo]
tenpo ni la jan li wile pali e pan Mosi la ona li ken ni:
o kepeken ijo ni: ilo wawa pali pi pan Mosi.
o jo e ijo moku sama: pan palisa lili en telo. ko suwi kin li ken.
o lon insa ilo e ijo ale, o open e pali ilo, tenpo poka la ni li pini a.