toki pona
lipu ni li pini ala li wile e pali. sina ken pini e ona. |
toki pona | |
---|---|
kalama | /ˈto.ki ˈpo.na/ (sona) |
mama | jan Sonja |
kulupu toki | [[kulupu toki toki sin|toki sin]] |
nasin sitelen | |
toki luka | toki pona luka |
nanpa toki | |
ISO 639-3 | mis
|
IETF | art-x-tokipona
|
toki pona li toki sin nasin musi tan jan Sonja. ona li pali e toki tawa ni: jan li ken pona e pilin ona e toki ona. ona li pana pi tenpo nanpa wan e ona lon lipu ilo. open la ona li pini ala. jan Sonja li pana e selo pini toki lon lipu pi toki pona lon tenpo suno 2014. jan li kepeken lipu ona la ona li pu. open la kulupu li lili. taso ona li kama suli. tenpo mute la kulupu li lon ilo. taso tenpo lili la jan li kama kulupu lon ma lon tenpo pini. nimi pi toki pona li tan toki mute: toki Topisin en toki Sumi en toki Lowasi en toki Epelanto en mute pi toki ante.
nimi "toki pona" li tan seme?
nimi "toki" li tan nimi tok pi toki Topisin tan nimi talk pi toki Inli. nimi "pona" li tan nimi bona pi toki Epelanto tan nimi bonus pi toki Lasina.
tenpo pini
jan Sonja li pana e selo open pi toki pona lon tenpo sike 2001. ona li pana e sona pi toki pona lon lipu tokipona.org. open la jan mute li kulupu lon kulupu pi lipu Jaju.
tenpo sike 2014 la ona li pali e lipu pi toki pona lon toki Inli.
tenpo sike 2008 la kulupu ISO-639 li pini e lipu tan jan pi toki pona tan ni: tenpo pini la toki ni li jo e sike suno lili. tenpo sike 2018 la kulupu ni li pini e lipu ante tan ni: jan pi toki pona li kulupu lili.
sitelen en kute
kulupu kalama pi toki pona li lili. ni la jan mute li ken kalama e ona kepeken pali mute ala. kalama open li kalama wawa.
poki anpa la kalama li lon nasin sitelen kalama pi ma ale.
sinpin | insa | monsi | |
---|---|---|---|
kon nena | m | n | |
kon pini | p | t | k |
kon pini lili | s | ||
open | w | l | j |
sinpin | monsi | |
---|---|---|
pini | i | u |
insa | e | o |
open | a |
lipu pi toki pona
pu la jan li kepeken lipu pi toki pona tan jan Sonja. ona li toki e nasin toki pi jan Sonja.
ijo
pali mute kepeken toki pona li lon.
kulupu
kulupu mute pi toki pona li lon.
ma pona pi toki pona li lon ilo Siko. jan 3000+ li lon ona.
KTPA(kulupu pi toki pona pi ma Anku) li lon kin.
ma pi ilo Telekan li lon kin.
ma pi lipu sinpin li lon kin a.
o tawa ma ni!