jan

sitelen:jan.png

sitelen ni li jo e jan mije e jan meli. sitelen ni li lon tomo tawa sewi Pioneer 11.

jan li ken pali e ijo mute. ona li ken sona li ken pilin li ken toki. jan sona li pana e nimi Homo sapiens tawa jan. (ni li "jan sona" kepeken toki Lasina.)

sijelo jan

soweli mute li jo e noka tu tu. taso jan li ante. ona li jo e noka tu e luka tu. jan li ken tawa e ijo kepeken luka tu ona.

jan li jo kin e lawa wawa. jan li ken pali e ijo mute kepeken lawa ona: ona li ken toki li ken wile sona li ken pilin. jan mute li pilin kin e ni: jan li kama tan jan sewi wawa li jo e kon nasa. jan li ken toki e pilin ona lon toki musi.

sijelo jan li ken mije anu meli. selo jan li ken pimeja anu walo.

kulupu jan

kulupu li suli tawa jan. jan li ken pali e kulupu suli anu kulupu lili. kulupu lawa pi ma Mewika li kulupu suli. kulupu mama li kulupu lili.

jan li ken pana e sona tawa jan kulupu ali. mi mute li jo e tomo tawa tan ni. kulupu li suli tawa jan lili tan ni: jan lili li wile e mama. mama li pana e moku e sona tawa jan lili.

pilin jan en nasin sewi

jan li ken pilin pona li ken pilin ike. jan li ken sona kin e tenpo e lon.

kulupu jan li ken ante e pilin jan. ona li ken pilin ike lon kulupu.

jan li jo kin e nasin sewi.

sona

jan li sona mute. ona li ken pali e ijo mute kepeken sona.

toki

jan li toki mute. jan li ken toki e wile ona e pilin ona tawa jan ante kepeken toki. jan li ken pana e sona tawa jan ante kepeken toki. toki li suli.

pali

jan li ken pali e tomo suli e tomo tawa e ijo mute ante. jan li pali kepeken ilo.

soweli li ken pali lili. taso jan li ken pali mute tan ni: ona li sona mute li ken toki.

musi

jan li ken musi kepeken nasin mute. musi li ken pana e pilin pona tawa jan.

jan lili li wile musi mute.

jan suli

jan Rick James

kulupu jan

jan Juta

jan pi toki pona

jan Eliki – jan Ewen – jan Kaj – jan Ke – jan Kewen – jan Male – jan Matejo – jan Nikita – jan Pije – jan Pili – jan Sawiku – jan Sonja – jan Tiana – jan Tomini