kulupu ma Elopa
kulupu ma Elopa
European Union | |
---|---|
len ma | |
kalama musi ma
Anthem of Europe | |
ma tomo lawa | ma tomo Buse |
toki lawa | toki ante mute |
mani | mani Elo |
lipu ilo | europa.eu |
kulupu ma Elopa (toki Inli: European Union) li kulupu ma lon ma Elopa. sike suno nanpa 1957 la, ona li kama lon. sike suno nanpa 2021 la, ona li jo e ma mute luka tu. jan li ken esun lon kulupu ma Elopa pi nasin sama nasin esun lon ma wan tan ni: lawa esun li sama lon ma ale pi kulupu ma Elopa. jan ale pi kulupu ma Elopa li ken tawa ma ante pi kulupu ni. poka ma pi kulupu ma Senken la, jan lawa li wile ala lukin e lipu tawa jan. ma mute pi kulupu ma Elopa li jo e mani wan - mani Elopa.
ma ale pi kulupu ma Elopa
ma kulupu lon tenpo ni
sike suno nanpa 2021 la, ma ni li lon kulupu ma Elopa:
- ma Alan
- ma Elena
- ma Epanja
- ma Esalasi
- ma Esi
- ma Italija
- ma Kanse
- ma Lawi
- ma Lijatuwa
- ma Lomani
- ma Lowenki
- ma Lowensina
- ma Lusepu
- ma Mata
- ma Mosijo
- ma Netelan
- ma Pesije
- ma Pokasi
- ma Posuka
- ma Potuke
- ma Puwaka
- ma Seki
- ma Sumi
- ma Tansi
- ma Tosi
- ma Wensa
- poka anpa pi ma Kiposi
ma kulupu lon tenpo pini
sike suno 2020 la, ma Juke li weka tan kulupu ma Elopa. ma ante pi weka tan kulupu ni li lon ala.
ma kulupu lon tenpo kama
jan lawa pi kulupu ma Elopa li toki e ni: ma luka li wile kama tawa kulupu ma Elopa. ma pi wile kama li ni: ma Tuki, ma Maketonija lete, ma Sinakola, ma Sopisi en ma Kosowo.