kulupu ma Elopa
| kulupu ma Elopa
European Union | |
|---|---|
 len ma | |
| kalama musi ma
Anthem of Europe | |
| |
| ma tomo lawa | ma tomo Puse |
| toki lawa | |
| mani | mani Elopa |
| lipu ilo | europa.eu |
kulupu ma Elopa (toki Inli: European Union) li kulupu ma lon ma Elopa. sike suno nanpa 1957 la ona li kama lon. sike suno nanpa 2021 la ona li jo e ma mute luka tu. ma tomo lawa ona li ma tomo Puse lon ma Pesije. kulupu ma Elopa la jan li ken tawa ma ante li ken esun lon ma ante pi kulupu sama. ma mute pi kulupu ni li kepeken mani sama. mani ni li mani Elopa. poka ma pi kulupu ma Senken la, jan lawa li wile ala lukin e lipu tawa jan.
nimi Elopa li tan nimi Europa pi toki Lasina tan nimi Εὐρώπη pi toki Elena.
ma ale pi kulupu ma Elopa
ma kulupu lon tenpo ni
sike suno nanpa 2021 la, ma ni li lon kulupu ma Elopa:
- ma Alan
- ma Elena
- ma Epanja
- ma Esalasi
- ma Esi
- ma Italija
- ma Kanse
- ma Lawi
- ma Lijatuwa
- ma Lomani
- ma Lowenki
- ma Lowensina
- ma Lusepu
- ma Mata
- ma Mosijo
- ma Netelan
- ma Pesije
- ma Pokasi
- ma Posuka
- ma Potuke
- ma Puwaka
- ma Seki
- ma Sumi
- ma Tansi
- ma Tosi
- ma Wensa
- poka anpa pi ma Kiposi
ma kulupu lon tenpo pini
sike suno 2020 la, ma Juke li weka tan kulupu ma Elopa. ma ante pi weka tan kulupu ni li lon ala.
ma kulupu lon tenpo kama
jan lawa pi kulupu ma Elopa li toki e ni: ma luka li wile kama tawa kulupu ma Elopa. ma pi wile kama li ni: ma Tuki, ma Maketonija lete, ma Sinakola, ma Sopisi en ma Kosowo.
toki
toki mute pi kulupu ma Elopa li lon:
- toki Elena
- toki Epanja
- toki Esi
- toki Inli
- toki Italija
- toki Kanse
- toki Keli
- toki Lawi
- toki Lijatuwa
- toki Lomani
- toki Lowasi
- toki Lowenki
- toki Lowensina
- toki Masi
- toki Mosijo
- toki Netelan
- toki Pokasi
- toki Posuka
- toki Potuke
- toki Seki
- toki Sumi
- toki Tansi
- toki Tosi
- toki Wensa