ma Alan lete
| ma Alan lete
Northern Ireland | |
|---|---|
| kalama musi ma
(mute) | |
| |
| ma Alan lete lon kulupu ma Piten | |
| ma tomo lawa | ma tomo Pepate |
| ma suli | ma Juke |
| toki lawa | toki Inli |
| toki ante | toki Alan toki Suko pi ma Use |
| mani | mani Pon pi ma Juke (£) |
| tenpo | UTC-0 |
| ISO 3166 | GB-NIR |
ma Alan lete li ma lon ma Alan pi lawa tan ma Juke. ona li lon poka pi ma Alan lawa. ona li jo e kipisi ma nanpa luka wan pi ma lili Use.
ma Alan lete li kama tan ni: jan pi ma Alan li utala tawa weka e lawa pi ma Juke. taso, jan mute lon ma Use li jan pi nasin sewi Potesu li wile tawa awen lon ma Juke. ma pi jan mute ni li kipisi tan ma Alan ante. tenpo sike 1921 la, ma Alan ante li kama e ma lawa sin, taso ma Alan lete li awen lon ma Juke. taso, ona li jo e kulupu jan pi nasin sewi Katolika pi wile lawa tan ma Alan. tan ni, utala mute li kama. jan mute pi wile lawa tan ma Alan li toki e ni: kulupu lawa li ike tawa ona.
tenpo 1960s la, utala sin li kama tan ni: jan pi kulupu Katolika li wile ante. taso, jan pi kulupu Potesu li pilin ante. nimi ona li utala Tupe. utala suli ni li pini lon tenpo sike 1997 tan ni: ona li toki tawa pini e utala tawa ante e ijo. taso, utala lili ken kama lon tenpo ni.