ma Netelan

len ma pi ma Netelan

sitelen:375px-EU-Netherlands.svg.png

ma Netelan lon sitelen pi ma Elopa

ma Netelan li ma lon ma Elopa. toki Netelan la nimi ona li Nederland. ma tomo lawa li ma tomo Ansetan. taso kulupu lawa pi ma Netelan li lon ma tomo Den Haag. taso ma tomo pi jan mute mute li ma tomo Rotterdam. ma Netelan li poka ma Tosi li poka ma Pesije. ma Netelan li ma pi kulupu wan Elopa li kepeken e mani Elo. len ma li jo e kule ni: loje en walo en laso. kalama musi ma li kalama musi Wilhelmus

nimi Netelan

toki Netelan pi sin ala la nimi Nederland li 'ma anpa'. ma Netelan li jo ala e nena suli. toki mute la nimi pi ma Netelan li 'ma anpa'. pana lukin la nimi pi ma Netelan li Países Bajos.

tenpo pini

tenpo pini la ma Netelan en ma Pesije li ma wan. ma Pesije li ma pi ma Netelan ala lon tenpo sike 1830.

ma Netelan li utala ala lon tenpo utala ma pi nanpa wan. taso ma Tosi li utala e ma Netelan li jo e ma Netelan lon tenpo utala ma pi nanpa tu. ma Tosi li pakala mute e ma tomo Rotterdam li moli e jan pi nasin sewi Juta mute mute.

tenpo pini la ma Netelan li jo e ma Intonesija e ma Suliname. ma Intonesija li ma pi ma Netelan ala lon tenpo sike 1945. ma Suliname li ma pi ma Netelan ala lon tenpo sike 1975. jan mute pi ma Intonesija en jan mute pi ma Suliname li lon ma Netelan tan ni. ma Suliname li kepeken e toki Netelan.

ma lili

ma Netelan li jo e ma lili luka luka tu. jan mute li toki e ni: ma Olan li nimi pi ma Netelan. taso ma Olan li ma pi ma Netelan li jo e ma lili tu. ma lili pi ma Olan li ma lili Notolan li ma lili Setolan. ma Olan li jo e ma tomo suli mute. ma tomo Ansetan en ma tomo Rotterdam en ma tomo Den Haag li lon ma Olan.

jan mute pi ma lili Fryslân li toki e toki Fryslân. toki Fryslân li toki Netelan ala. kulupu lawa pi ma lili Fryslân kepeken e toki Fryslân e toki Netelan.

tenpo pini la ma lili Flevoland li lon ala. jan li pali e ma lili Flevoland lon tenpo sike 1968.

ma Netelan li jo e ma luka wan lon ma Amelika. ma ni li ma Aruba li ma Bonaire li ma Curaçao li ma Sint-Eustatius li ma Saba. jan mute li toki e toki Papijamentu lon ma ni. toki Papijamento li jo e nimi pi toki Potuke pi toki Epanja pi toki Netelan

weka telo

tenpo pini la ma mute li ma telo li lon anpa telo. jan pi ma Netelan li pali e nena li weka e telo li pali e ma sin. toki Netelan la nimi pi ma sin ni li polder. telo mute li pakala e ma Netelan lon tenpo sike 1953. jan li pali e tomo Deltawerken tan ni. tomo Deltawerken li lon ma Selan.

jan lawa

jan lawa pi ma Netelan li jan Wilemalesante. ona li jan lawa pi tenpo mute. jan Amalija li jan lili pi jan Wilemalesante. tenpo kama la ona li jan lawa pi ma Netelan. meli ona li jan Masima. ona li pi ma Akensina. jan Wilemalesante li ken pali e ijo pi mute lili. jan mute mute li pilin e ni: jan Wilemalesante li pona. tenpo suno pi jan Wilemalesante li tenpo suno ma pi suli mute. nimi tenpo li tenpo Koningsdag. tenpo Koningsdag la jan mute li jo e len jelo loje tan ni: mama ale pi jan lawa en jan lili ale pi jan lawa li jo e nimi Van Oranje. toki Netelan la oranje li loje jelo.

kasi nasa

kulupu lawa pi ma Netelan li pilin ala e ni: kasi nasa li ike. kulupu lawa ma pi mute lili li pilin sama ma Netelan. jan li ken jo e kasi nasa lon ma Netelan. jan li ken kepeken e kasi nasa lon tomo pi kasi nasa. toki Netelan la nimi pi tomo ni li coffeeshop.

jan pona

ma Netelan en the Netherla en png|right|thu li ma pi a]] pi ma Netelan]. ma ni li sama mute. tenpo pini pi ma ni li sama mute. ma Netelan en Pesije li toki e 'ma Netelan l. ma Pesije en ma Lusenpu li toki e telan]] la nim. jan pi ma Netelan li pilin e ni: a li [[ma t li suli mute. jan pi ma Netelan mute li lon li lon [[m. ma Netelan en ]. taso ma li esun e ijo mute. jan mute pi ma Netelan li kama sona e am]]. ma Nete tan ni.

ma Elopa

ma Alan · ma Antola · ma Elena · ma Epanja · ma Esi · ma Isilan · ma Italija · ma Juke · ma Kanse · ma Kiposi · ma Lawi · ma Lijatuwa · ma Lisensan · ma Lominija · ma Losi · ma Lowasi · ma Lowenki · ma Lowensina · ma Lusepu · ma Maketonija lete · ma Mata · ma Monako · ma Mosijo · ma Motowa · ma Netelan · ma Nosiki · ma Osalasi · ma Pelalusi · ma Pesije · ma Posuka · ma Potuke · ma Pokasi · ma Posan · ma Samalino · ma Seki · ma Sensa · ma Sinakola · ma Sipe · ma Sopisi · ma Sumi · ma Suwasi · ma Tansi · ma Tosi · ma Tuki · ma Ukawina · ma Wasikano

kipisi:ilo Wikitata