ma tomo San Palu
- lipu ni li toki lon ma tomo. sina wile sona lon ma lili la, o lukin e lipu ni: ma San Palu.
ma tomo San Palu
São Paulo | |
---|---|
ma tomo | |
sitelen pi ma tomo San Palu | |
len ma |
sitelen lawa |
ma tomo San Paulo lon ma lili San Palu | |
ma suli | ma Pasila |
ma lili | ma San Palu |
toki lawa | toki Potuke |
jan lawa | jan Likato Nune |
tenpo open | tenpo sike 1554 |
mani | mani Lija pi ma Pasila (R$) |
tenpo | UTC−03:00 |
lipu ilo | http://www.capital.sp.gov.br/ |
ma tomo San Palu (toki Potuke: São Paulo [sɐ̃w ˈpawlu]) li ma tomo lawa pi ma lili San Palu. mute jan la ona li nanpa wan pi ma Pasila.
nasin mani GDP la ma tomo San Palu li jo e mani mute.
sona ma
ma tomo San Palu li jo e nena ma mute. tenpo pini la ma lili San Palu li ma kasi Alansi (toki Potuke: Mata Atlântica). taso, tenpo ni la ma kasi ni li pakala mute. telo li kama mute tan sewi lon ma tomo San Palu. tan ni la jan li pana e nimi "ma pi telo tan sewi" (toki Potuke: Terra da Garoa) tawa ma ni.
kon en telo li jaki. nasin telo Sijete (toki Potuke: Rio Tietê) li nasin telo pi jaki mute.
sona jan
mute jan la ma tomo San Palu li nanpa wan pi ma Pasila. tenpo pini la jan mute li tawa ma ni tan ni: jan li wile e mani. jan pi ma Pasila ala la ma tomo San Palu li jo e jan Italija e jan Potuke e jan Apika e jan Alapi e jan Nijon e jan Tosi e jan Kanse e jan Elina e jan Sonko e jan mute ante kin.
ma tomo lili Lipetasi (ma Potuke: Liberdade) li jo e jan Nijon e jan Sonko e jan Anku mute.
sona lawa
ma tomo San Palu li ma tomo lawa pi ma lili San Palu. ona li jo e ma tomo liil lawa (toki Potuke: subprefeituras) 32. ma tomo lili lawa ni li ken jo e ma tomo lili (toki Potuke: distritos).
ma tomo lili lawa li ni:
- ma lili Alikanduwa (toki Potuke: Aricanduva)
- ma lili Putantan (toki Potuke: Butantã)
- ma lili Kanpu Linpu (toki Potuke: Campo Limpo)
- ma lili Kapela Tu Sokolu (toki Potuke: Capela do Socorro)
- ma lili Kasa Wesi (toki Potuke: Casa Verde)
- ma lili Atema (toki Potuke: Cidade Ademar)
- ma lili Silatensi (toki Potuke: Cidade Tiradentes)
- ma lili Emelino Matalaso (toki Potuke: Ermelino Matarazzo)
- ma lili Pekesija Tu O/Pasilansija (toki Potuke: Freguesia do Ó/Brasilândia)
- ma lili Kuwajanasi (toki Potuke: Guaianases)
- ma lili Ipilanka (toki Potuke: Ipiranga)
- ma lili Itawin Pajulita (toki Potuke: Itaim Paulista)
- ma lili Itakela (toki Potuke: Itaquera)
- ma lili Sabakala (toki Potuke: Jabaquara)
- ma lili Lapa (toki Potuke: Lapa)
- ma lili Inpo Milin (toki Potuke: M'Boi Mirim)
- ma lili Moka (toki Potuke: Mooca)
- ma lili Palalelu (toki Potuke: Parelheiros)
- ma lili Penja (toki Potuke: Penha)
- ma lili Pelu (toki Potuke: Perus)
- ma lili Pinjelu (toki Potuke: Pinheiros)
- ma lili Pilitupa/Salaka (toki Potuke: Pirituba/Jaraguá)
- ma lili Se (toki Potuke: Sé)
- ma lili Santana (toki Potuke: Santana/Tucuruvi)
- ma lili Sasana/Temenpe (toki Potuke: Jaçanã/Tremembé)
- ma lili Santu Amalu (toki Potuke: Santo Amaro)
- ma lili San Mateju (toki Potuke: São Mateus)
- ma lili San Mikelu Pajulita (toki Potuke: São Miguel Paulista)
- ma lili Sapopenpa (toki Potuke: Sapopemba)
- ma lili Wila Malija/Wila Kilemi (toki Potuke: Vila Maria/Vila Guilherme)
- ma lili Wila Malijana (toki Potuke: Vila Mariana)
- ma lili Wila Putensi (toki Potuke: Vila Prudente)