mun

mun Luna

nimi "mun" li toki e ijo ale lon sewi pimeja. taso, ijo ni li ante mute.

mun seli

mun seli li pana e seli, e wawa suno. insa pi mun seli la, seli wawa li kama. wan ijo Atomo li ante mute, li pana e wawa mute tawa ale.

suno li mun seli So (toki Lasina: Sol, "suno"). ona li seli, li suno e ma.

mun ma

mun Luna en mun Wenu en mun Jupite

mun ma li pana ala e seli, li jo e ma mute. nasin tawa ona la, ona li ken sike e mun seli, li ken sike e mun ma, li ken sike ala.

mun ma li sike e ijo la, ona li kama "mun" ona. suno li jo e mun suli 8, e mun lili mute. ona li:

1. mun Mekuliju
2. mun Wenu
3. ma sike Tela (toki Lasina: Terra, "ma") (ma ni)
4. mun Masi
5. mun Jupite
6. mun Satunu
7. mun Ulanu
8. mun Netunu

mun ma li ken jo e mun ona. ma Tela li jo e mun wan. mun Masi li jo e mun tu.

mun ilo

sin la, tenpo pini lili la, jan li pana e ilo tawa sewi. ilo ni li sike e ma Tela anu mun ante. ilo ni li ken tawa kin li sike ala e mun. mun ilo ni li ilo mun.