mun

mun mute

mun poka pi ma mi

mun li ijo pi sewi pimeja. mun ante mute li lon.

kulupu jan li ken lukin e mun mute lon tenpo pini pi poka ala tawa tenpo ni la, kulupu mute li kama sona e mun. sona ni li suli tawa jan tan ni: jan pi sona mun li ken sona e tenpo pi sike suno e tenpo telo anu telo ala. tenpo pini la jan mute li kepeken e mun tawa kama sona pi tenpo kama.

mun seli

mun seli li pana e seli e wawa suno. insa pi mun seli la seli wawa li kama. wan ijo Atomo li ante mute, li pana e wawa mute tawa ale.

suno mi li mun seli. ona li pana e seli e suno tawa ma mi.

mun ma

mun ma li pana ala e seli wawa li jo e ma mute. nasin tawa ona la ona li ken sike e mun seli li ken sike e mun ma li ken sike ala.

mun ma li sike e ijo la ona li kama mun ona. suno mi li jo e mun suli mute e mun lili pi mute suli:

1. mun Mekuliju
2. mun Wenu
3. ma mi
4. mun Masi
5. mun Jupite
6. mun Satunu
7. mun Ulanu
8. mun Netunu

mun ma li ken jo e mun lili ona. ma mi li jo e mun wan. mun ni li mun Luna. mun Masi li jo e mun tu.

mun ilo

sin la jan li pana e ilo tawa sewi lon tenpo pini. ilo ni li sike e ma mi anu mun ante. mun ilo ni li ilo mun.

mun ilo li pana e sona mute tawa jan, sona ni li sona ma li sona mun li sona pi ilo toki li sona ante.