mun suli
Jump to navigation
Jump to search
kulupu suno la, mun suli li lon. tenpo pini la, mun suli li kama tan kiwen lili. kiwen lili ni li kama wan lon tenpo mute pini. kiwen lili ni li kama kiwen suli li kama mun lili li kama mun suli. kipisi pi mun suli la, ona li mun seli li mun suli kiwen li mun suli kon. ma mi li mun suli.
jan pi toki pini la nimi pi mun suli li "mun tawa". jan pi toki pini li lukin e mun ale la mun li awen lon wan sewi, taso lukin la mun suli li tawa lon sewi.
mun suli pi kulupu suno mi
mun Puto en mun lili
tenpo pini la, mun Puto (toki Lasina: Pluto) li mun suli tawa kulupu Ijaju (IAU). taso tenpo ni la, ona li mun lili. mun lili ante li lon. ni li mun Makemake li mun Amuwa li mun Siwi li mun Ewi.