nanpa toki ISO

kulupu "ISO" li pali e lipu nanpa mute ni: ona li pana e nimi lili tawa toki.

nanpa ISO 639-1

nanpa ISO 639-1 li toki e toki suli pi ma ante, e toki sin suli.

nanpa ISO 639-1 li jo e sitelen Lasina tu. ona li toki ala e ante lili toki.

nanpa ISO 639-2

nanpa ISO 639-2 li suli e mute toki.

nanpa ISO 639-2 li jo e sitelen Lasina tu wan. ona li toki ala e ante lili toki.

nanpa ISO 639-3

nanpa ISO 639-3 li suli mute e mute toki.

nanpa ISO 639-3 mute li kama tan nanpa ISO 639-2 "alpha-3". taso, nanpa ISO 639-2 "alpha-3" li toki e toki ni taso: kulupu jan li lon e ona.

sin la, nanpa ISO 639-3 li toki e toki sin, e toki moli. toki mute li kama tan toki wan la, nanpa ISO 639-2 li toki e nimi wan. nanpa ISO 639-3 li toki e nimi mute.

nanpa ISO 639-3 li jo e sitelen Lasina tu wan. ma wan li toki e toki wan pi ante suli mute la, nanpa ISO 639-3 li toki e ona ale.

ante pi nanpa ante

nanpa ISO 639-1 en nanpa ISO 639-2 la, toki Sonko li toki wan (639-1: "zh", 639-2: "zho"). nanpa ISO 639-3 la, ante 16 pi toki Sonko li jo e nimi ona. sin la, toki Sonko pi tenpo pini li jo e nimi ante ona. toki Sonko pi ma tomo Pesin (北京市) li "cmn". toki Sonko pi ma tomo Onkon (香港) li "yue".

toki Alapi la, ante sama li lon: nanpa ISO 639-1 en nanpa ISO 639-2 li pana e nimi "ara" tawa toki Alapi. taso, ma ante la, toki Alapi li ante. nanpa ISO 639-3 la, ante 29 pi toki Alapi li jo e nimi ona.

nanpa toki ISO en toki pona

tenpo ni la, toki pona li jo ala e nanpa toki ISO. taso, jan mute pi toki pona li wile e ni: toki pona li jo e nanpa ISO 639-3 "tok".

nimi nasin sin

tan lipu Wikipedia:

• lipu pi nanpa ISO 639-1 ale (toki Inli)
• lipu pi nanpa ISO 639-2 ale (toki Inli)
• lipu pi nanpa ISO 639-3 ale (toki Inli)