nasin sewi pi jan Jesu
|
lipu ni li wile e pali. sina ken pona e ona. |
nasin sewi pi jan Jesu anu nasin sewi Kito (toki Elena: Χριστός /xrisˈtos/, "pana telo") li nasin sewi pi jan Alawan li nasin pi sewi wan tan toki sona pi jan Jesu. ona li nasin sewi pi suli nanpa wan lon ma ale. jan pi nasin sewi li pilin e ni: jan Jesu li jan lili pi mama sewi li kama lawa sama toki pi jan sewi lon nasin sewi Jejuta. pilin ona la jan Jesu li moli li kama lon sin.
nasin sewi pi jan Jesu li kama tan nasin sewi Jejuta lon tenpo pi tomo sewi nanpa tu lon ma Juteja pi ma Loma. jan Jesu en jan poka ona li pana e toki pi jan Jesu lon ma poka. jan mute pi nasin sewi Jejuta ala li kama la ona li kama nasin sewi ante.
pilin
- jan Jesu pi ma tomo Nala li lawa mi li sewi.
- mama sewi li mama pi jan Jesu.
- jan mute pi nasin sewi li toki e ni: sewi li jan tu wan. ona li mama li jan lili li kon. jan tu wan ni li sewi lawa.
- jan meli Malan li mama meli pi jan Jesu.
- jan meli Malan li mama meli pi jan Jesu tan ni: sewi li pana e jan lili tawa jan Malan kepeken kon ona (jan Luka 1:35 )
- tenpo pini mute la jan Jesu li lon ma Juteja. ona li pana e sona sewi. jan mute pi kulupu Jejuta li kute e ona. jan Jejuta ni li kama tawa nasin sewi sin. jan Jesu li ike tawa jan lawa pi nasin sewi Jejuta tan ni. ona mute li pali e ni: jan pi ma Loma li moli e jan Jesuwa. taso jan Jesuwa li pakala e moli. ona li kama tawa jan mute pi nasin sewi sin. jan Jesuwa li toki e ni: tenpo kama la mi kama tawa ma kin. jan Jesuwa li toki pini li kama tawa mama sewi ona.
taso, ona li pilin ante lon kulupu ante pi jan pi nasin Kolisu.
kipisi pi nasin sewi Kolisu
tenpo la, kulupu lili ante pi nasin sewi Kolisu li kama. ni suli mute li lon:
kulupu lili ale li toki e lipu toki Nikija.