nasin toki

toki li ilo sona jan. kalama mute li lon toki. jan li wan e kalama la jan li ken pali e nimi. nimi ni li ken toki e pilin anu ijo ante.

sona toki

sona toki li suli tawa jan sona mute. toki mute li lon:

toki Alapi toki Anku toki Elena toki Elunsi toki Epanja toki Epelanto toki Inli toki Itesitosi toki Iwisi

toki Kanse toki Lasina toki Lokoso toki Losi toki Losupan toki Lowensina toki Netelan toki Nijon toki Nosiki toki Pasiki

toki pona toki Posuka toki Potuke toki Seki toki Sinan toki Soleso toki Soma toki Sonko toki Sowijo

toki Sumi toki Tansi toki Tosi toki Tukili en toki ante mute

sina ken lukin kin e nimi pi toki mute.

jan sona li wan e toki mute lon kulupu toki.

toki li tan seme?

toki mute li kama tan kulupu jan suli. o pilin e toki Kanse e toki Inli. tenpo suli la kulupu jan suli li pali e toki ni. jan sona li wile sona e ni: kulupu jan suli li pali e toki kepeken nasin seme?

taso nasin ante li ken pali kin e toki. jan wan li ken pali e toki sin. o pilin e toki Epelanto e toki pona. jan Sameno li pali e toki Epelanto. jan Sonja li pali e toki pona.

sitelen toki

jan li ken sitelen e toki lon lipu. tenpo ni la sina lukin e sitelen toki! jan pi toki Elopa mute li kepeken e nasin sitelen Lasina. (lipu ni li kepeken e nasin sitelen ni.) taso nasin sitelen ante li lon: sina ken kepeken e nasin sitelen Alapi e nasin sitelen Elena e nasin sitelen ante.