sitelen toki nimi

sitelen toki nimi li nasin sitelen toki. lon sitelen nimi la, kalama li suli ala. sitelen nimi ante la, ken la, sitelen wan li toki e kalama wan anu kalama mute, li jo e kon wan anu kulupu kon sama anu kon mute.

sama ala la, lon sitelen toki kalama anu sitelen toki pi kulupu kalama anu sitelen toki pi kalama kiwen la, sitelen wan toki e kalama wan anu kulupu kalama sama. taso sitelen wan li sama ala nimi wan, li jo e kon ala.

sitelen toki nimi pi toki pona

sitelen pona li sitelen toki nimi pona. ni la, sitelen wan li toki e nimi wan li jo e kon wan anu kulupu kon sama.

sitelen sitelen li kepeken e sitelen nimi kin. ni li pali sama sitelen pona. sitelen sitelen li kepeken kin e nasin sitelen pi kulupu kalama.

ante mute li lon kin!

lon sitelen Ansi

sitelen Ansi li sitelen toki nimi suli. toki mute li kepeken ona li kepeken nasin sitelen tan ona. toki Sonko en toki Nijon la, sitelen wan li toki e nimi mute li jo e kon mute. sitelen wan li jo e sona kon lili, li jo e sona kalama lili.

lon sitelen Lasina (sitelen toki kalama)

sitelen Lasina li sitelen toki kalama. taso kepeken sitelen Lasin la, ona li kepeken e kulupu lili pi sitelen toki nimi a! sitelen nanpa en sitelen mani en sitelen sama "&" en "%" li jo e kon wan. taso lon toki ante la, ni li jo e kalama ante.