jan lawa

tan Wikipesija
o tawa poki nasin o tawa alasa
jan Juliju Kesali li jan lawa pi ma Loma

jan lawa li awen li lawa e kulupu jan. jan lawa li toki tawa jan mute. jan lawa o pali e ijo suli mute. jan lawa ala la kulupu li ken pakala.

lawa ma li jo e jan lawa. nasin ante la jan li kama jan lawa. jan So Piten li jan lawa pi ma Mewika. nasin wile pi jan lawa la jan So Piten li kama jan lawa. jan Elisapesi nanpa tu li jan lawa pi ma Juke. mama pi jan Elisapesi nanpa tu li jan lawa li moli la jan Elisapesi nanpa tu li kama jan lawa. ma ante la, jan li lanpan e lawa. jan Penito Musolini li lanpan e lawa pi ma Italija lon tenpo sike 1922.

kulupu ante kin li jo e jan lawa. jan Ilon Mu li jan lawa pi kulupu Tesa.

lawa ma li ken jo e jan lawa mute. jan Elisipesi nanpa tu li jan lawa mama pi ma Juke. jan Bowisi Sonson li jan nanpa wan pi lawa ma. tenpo pini la, jan lawa mama li toki wile e jan nanpa wan pi lawa ma lon ma Juke. tenpo sin la, kulupu lawa anpa pi ma Juke li toki wile e jan nanpa wan pi lawa ma.

jan lawa li ike la, jan li ken weka e ona. utala anu utala ala la jan li ken weka e jan lawa. nasin wile pi jan lawa la, jan ale li toki e ni: jan seme o kama jan lawa. jan li jo e wile pi mute nanpa wan la, jan li kama lawa.

jan lawa mama[o ante | o ante e toki ilo]

jan Elisapesi nanpa tu li jan lawa sewi pi ma Juke

jan lawa mama li lawa lon tenpo ale ona. ken la, ona li jan lawa sewi pi lipu lawa li jan lawa sewi pi wawa ale. jan lawa sewi li ken lawa e ma mute. jan Alisapa nanpa tu li lawa e ma Juke e ma Kanata e ma ante. tenpo mute la, ona li pana e wawa tawa jan lili lon ona li moli. tenpo pini la, lawa ma mute mute li jo e jan lawa sewi.

jan lawa pi nasin sewi[o ante | o ante e toki ilo]

nasin sewi mute la, jan lawa li lon.