kulupu sewi Kuweka

jan Jo Pose li mama pi kulupu sewi Kuweka

kulupu sewi Kuweka (toki Inli: Quakers) anu kulupu sewi pi jan pona (Religious Society of Friends) li kulupu pi nasin sewi Potesu. jan pi kulupu Kuweka li pilin e ni: jan Jesu li lon insa jan ale. kulupu ni li open tan tenpo pi utala insa pi ma Inli. jan Jo Pose li pilin ike tawa nasin sewi Anlikan li mama e kulupu sewi Kuweka.

jan Kuweka li tawa ma Mewika tan tenpo sike nanpa 1656. jan Wilijan Pen li jan Kuweka li mama e ma Pensiwenja. jan lawa tu pi ma Mewika li jan pi kulupu Kuweka: jan Epe Uwa en jan Wika Nison.

jan Kuweka mute li utala ala lon tenpo pi utala suli.