kili pi selo waso

sitelen pi kili Kiwi

kili Kiwi li kili pi kasi Aktinitia pi ma Sonko (toki Lasina: Actinidia chinensis) en kasi Aktinitia telikosa (toki Lasina: Actinidia deliciosa). ona li tan ma Sonko. tan ni la, jan li nimi ona e «kasi pi ma Sonko». ona li jelo laso lon insa. kili Kiwi jelo li jelo lon insa.

jan pi ma Nusilan li nimi ona «kiwi» (toki Maoli: huakiwi) tan ni: ona li lukin sama waso Kiwi.

«kili Kiwi» lon toki Sonko (lon sewi) en toki Sonko pona (lon anpa)

tenpo pini

jan li sitelen e kili Kiwi lon tenpo pini mute. kili ni li kama tawa ma Nusilan. kili ni li pona tawa jan utala tan ma Juke en ma Mewika lon utala suli nanpa tu. kili ni li tawa kama ma Juke en ma Kaliponja. kili Kiwi li lon ma seli lon tenpo ni.

kili Kiwi jelo

sitelen pi kili Kiwi jelo

kili Kiwi jelo (toki Inli: Kiwi Gold) li kili pi kasi Aktinitia pi ma Sonko. tenpo sike nanpa 1992 la, kulupu Zespri International Ltd. li pali e ona. tenpo sike nanpa 1998 la, ona li lon esun pi ma Nijon. tenpo sike nanpa 2000 la, ona li lon esun pi ma Elopa.

kili Kiwi jelo li suwi mute. kili Kiwi li suwi lili.