nasin toki
jan li wile toki e ijo la, jan li ken kepeken e nasin toki (toki Inli: language). jan li toki kalama la, jan li pali e kalama kepeken uta. ona li wile e ni: jan ante li kute e kalama nimi li ken sona e wile ona. jan ante li ken toki kepeken luka ona. jan ni li toki e nimi kepeken luka ona li wile e ni: jan ante li lukin e luka ona li ken sona e wile ona. ni la, toki ni li toki luka.
nasin toki li mute. jan mute mute li kepeken toki Inli. ona li tan ma Inli. lon ma Sonko la, jan mute mute li kepeken toki Sonko.
ken la, jan li kepeken toki sin. jan li pali e toki sin. toki sin li mute kin. toki Epelanto en toki Losupan en toki pona li toki sin.
tenpo pini la, jan li kepeken toki wan. taso tenpo ni la, jan ala li kepeken ona. ni la, toki ni li toki moli.
toki lon ma
toki tan ma Asija
toki tan ma Elopa
- toki Elena
- toki Epanja
- toki Inli
- toki Isilan
- toki Kanse
- toki Lasina
- toki Losi
- toki Nosiki
- toki Tansi
- toki Wensa