toki pona
toki pona | |
---|---|
kalama | /ˈto.ki ˈpo.na/ (sona) |
mama | jan Sonja |
kulupu toki | toki sin |
nasin sitelen | |
toki luka | toki pona luka |
nanpa toki | |
ISO 639-3 | tok
|
IETF | tok
|
toki pona li toki sin nasin musi tan jan Sonja. ona li pali e toki tawa ni: jan li ken pona e pilin ona e toki ona. ona li pana pi tenpo nanpa wan e ona lon lipu ilo. open la ona li pini ala. jan Sonja li pana e selo pini toki lon lipu nanpa wan pi toki pona lon tenpo suno 2014. jan li kepeken lipu ona la ona li pu. tenpo sike 2021 la, jan Sonja li pana e lipu sin pi toki pona. ni li lipu ku. ona li poki nimi pi toki pona. open la kulupu li lili. taso ona li kama suli. tenpo mute la kulupu li lon ilo. taso tenpo lili la jan li kama kulupu lon ma lon tenpo pini. nimi pi toki pona li tan toki mute: toki Topisin en toki Sumi en toki Lowasi en toki Epelanto en mute pi toki ante.
nimi
nimi "toki" li tan nimi tok pi toki Topisin tan nimi talk pi toki Inli. nimi "pona" li tan nimi bona pi toki Epelanto tan nimi bonus pi toki Lasina.
tenpo pini
jan Sonja li pana e selo open pi toki pona lon tenpo sike 2001. ona li pana e sona pi toki pona lon lipu tokipona.org. open la jan mute li kulupu lon kulupu pi lipu Jaju. tenpo mute la, jan mute li kama sona e toki pona. tan ni, kulupu pi toki pona li kama suli.
tenpo sike 2014 la ona li pali e lipu pu lon toki Inli. ona li pana e lipu ni lon toki Kanse lon tenpo sike 2016. lipu pi toki pona napa tu (lipu ku) li kama lon tenpo sike 2021.
tenpo sike 2008 la kulupu ISO-639 li pini e lipu tan jan pi toki pona tan ni: tenpo pini la toki ni li jo e sike suno lili. tenpo sike 2018 la kulupu ni li pini e lipu ante tan ni: jan pi toki pona li kulupu lili.
sitelen en kalama
kulupu kalama pi toki pona li lili. ni la jan mute li ken kalama e ona kepeken pali mute ala. kalama open li kalama wawa.
poki anpa la kalama li lon nasin sitelen kalama pi ma ale.
sinpin | insa | monsi | |
---|---|---|---|
kon nena | m | n | |
kon pini | p | t | k |
kon pini lili | s | ||
open | w | l | j |
sinpin | monsi | |
---|---|---|
pini | i | u |
insa | e | o |
open | a |
lipu pi toki pona
pu la jan li kepeken lipu nanpa wan pi toki pona tan jan Sonja. ona li toki e nasin toki pi jan Sonja.
lipu ku li lipu sin li lipu nimi pi toki pona tan jan Sonja. lipu ni la, ona li alasa sona tan kulupu pi toki pona.
kulupu lipu pi toki pona
- nasin suli pi jan Melin
- Toki Pona Stories: meli olin moli
- Toki Pona Stories: akesi seli lili
- jan Linsi en soeli suli
- meli lili pi len loje
- soweli Wini Pu en jan pi ale ale ale
- jan lawa lili
- soweli lili tu wan en soweli ike suli
- open
- uta monsuta
kulupu
kulupu mute pi toki pona li lon.
kulupu pi toki pona lon lipu Wesi li suli nanpa wan. sama la ma pona pi toki pona pi ilo Siko li kulupu suli pi toki pona.
kulupu pi ilo Telekan en kulupu pi lipu Pepu li lon kin. jan mute li kepeken ilo pi waso laso li kepeken lipu toki.social.
kulupu ma mute li lon. KTPA (kulupu pi toki pona pi ma Anku) li lon kin. sama la kulupu pi toki pona li lon lipu VK pi ma Losi.