toki
toki li esun sona. jan li wile pana e sona la, jan li toki. ken la, toki li toki uta li sitelen toki li toki pi kalama ala.
tenpo ni la, ilo sona mute li toki tawa ilo sona ante mute. ni li kulupu ilo.
toki jan
.jpg)
jan li esun e sona kepeken toki. jan la, toki li ken jo e nimi mute. jan li toki kalama la, jan li pali e kalama kepeken uta. ona li wile e ni: jan ante li kute e kalama nimi li ken sona e wile ona. jan ante li ken toki kepeken luka ona. jan ni li toki e nimi kepeken luka ona li wile e ni: jan ante li lukin e luka ona li ken sona e wile ona. ni la, toki ni li toki luka.
tenpo pini la, jan li kepeken toki wan. taso tenpo ni la, jan ala li kepeken ona. ni la, toki ni li toki moli.
nasin toki uta mute lon ma
nasin toki mute li lon ma. taso, nasin toki li sama mute. jan mute li pilin e ni: jan tu li toki kepeken nasin toki ante, li sona e toki pi jan ante la, toki pi jan tu li toki sama. taso, jan ante li pilin e ni: nasin jan en nasin lawa la, nasin toki li ken toki sama anu ken toki ante. pilin ni la, jan li toki e ni: toki li jo e kulupu utala e kulupu utala telo la, toki li toki ante. (toki Inli: A language is a dialect with an army and navy.)
jan mute mute li kepeken toki Inli. ona li tan ma Inli. lon ma Sonko la, jan mute mute li kepeken toki Sonko. ken la, jan li kepeken toki sin. jan li pali e toki sin. toki sin li mute kin. toki Epelanto en toki Losupan en toki pona li toki sin.
toki tan ma Asija
toki tan ma Elopa
- toki Elena
- toki Epanja
- toki Inli
- toki Isilan
- toki Kanse
- toki Lasina
- toki Losi
- toki Nosiki
- toki Tansi
- toki Wensa
toki sin
toki soweli
soweli mute li ken toki. mu la, soweli li pana e sona tawa soweli ante.
toki waso
waso toki li ken mu kepeken toki jan. jan li toki la waso ona li ken jasima[nimi].
jan sona li sona ala e ni: waso ona li ken sona e toki.