ma Sonko
ma Sonko
中国 | |
---|---|
len ma |
sitelen lawa |
kalama musi ma
义勇军进行曲 (kalama musi pi kulupu utala wile) | |
ma tomo lawa | ma tomo Pesin |
toki lawa | toki Sonko |
toki ante | toki Ju toki Kantun toki Min toki Monko toki Po toki Wasun toki Wiku |
jan lawa | jan Si Sinpin |
mani | mani Juwan (RMB) |
ISO 3166 | CN |
lipu ni li pini ala li wile e pali. sina ken pini e ona. |
ma Sonko (toki Sonko: 中国) li ma lon ma Asija.
ma Sonko li lon poka pi ma mute; ma Soson en ma Losi en ma Monkolu en ma Kasatan en ma Kilisa en ma Tosiki en ma Akanisan en ma Pakisan en ma Palata en ma Nepalu en ma Tuku en ma Mijanma en ma Lajo en ma Wije li lon poka ona. nanpa jan en esun[1] la, ma Sonko li suli nanpa wan. suli ma la, ma Sonko li nanpa tu wan lon ma ale. tenpo ni la, ma Sonko li kama ma wawa.[2][3]
tenpo pini suli la, kulupu jan suli en kulupu lawa li lon ma Sonko. taso, ma lawa Sonko pi tenpo ni li kama lon tenpo sike 1949 kin. kulupu lawa pi ma Sonko li jo e kulupu wan taso pi nasin lawa. jan mute li toki e ni: ona li nasin lawa pi jan ale ala.[4][5]
len sitelen pi ma Sonko li loje li jo e mun jelo nanpa luka.
tenpo pini
tenpo pini la, kulupu lawa mama li lawa e ma Sonko. tenpo mute la ma Sonko li pakala li kama wan. jan lawa nanpa wan pi ma Sonko wan li jan Sin Se Jun. ma Tasin li kulupu lawa mama nanpa pini. tenpo sike 1912 la ma Sonko li kama ma pi kulupu lawa. tenpo sike 1927 la utala insa li open. tenpo sike 1949 la kulupu Komintan li tawa ma Tawan. tenpo ni la ma Sonko li jo e lawa ma tu. wan li lon ma Sonko pi ma suli. wan ante li lon ma Tawan.
jan
jan 1,400,000,000 li lon ma Sonko. nanpa jan la ma Sonko li suli nanpa wan.
ona li kulupu jan mute pi tan ante lon ma Sonko. kulupu jan An (汉族) li kulupu suli.
jan mute pi ma Sonko li kepeken toki Sonko. taso, toki mute li lon ma Sonko.
tan sona
- ↑ World Economic Outlook Database, April 2020 IMF
- ↑ THE RISE OF CHINA AS A SUPERPOWER | theTrumpet.com
- ↑ China and the United States: Cooperation, Competition, and/or Conflict | Center for Strategic and International Studies
- ↑ Nathan, Andrew J.; Diamond, Larry; Plattner, Marc F. (2013) Will China Democratize?
- ↑ Under Xi Jinping, China is turning back to dictatorship | Financial Times
ma Aja · ma Akanisan · ma Anku lete · ma Anku seli · ma Asepajan · ma Ilakija · ma Ilan · ma Imalasi · ma Intonesija · ma Isale · ma Jamanija · ma Kanpusi · ma Kasatan · ma Katali · ma Katelo · ma Kilisa · ma Kiposi · ma Kuwasi · ma Lajo · ma Lanka · ma Losi · ma Lunpan · ma Malasija · ma Masu · ma Mijama · ma Monkolu · ma Nepalu · ma Nijon · ma Opekitan · ma Pakisan · ma Palani · ma Palata · ma Panla · ma Pilipina · ma Pilisin · ma Punawi · ma Sajusi · ma Sikimenisan · ma Simolete · ma Sinkapo · ma Siwewi · ma Sonko · ma Sulija · ma Tawan · ma Tawi · ma Tosikiton · ma Tuki · ma Tuku · ma Uman · ma Utun · ma Wije