ma Pilipina

tan Wikipesija
o tawa poki nasin o tawa alasa
ma Pilipina

Pilipinas

ma Asija
Flag of the Philippines.svg

len ma

Coat of arms of the Philippines.svg

sitelen lawa

kalama musi ma

Lupang Hinirang

PHL orthographic.svg
ma tomo lawa ma tomo Manila
toki lawa toki Pilipina, toki Inli
toki ante toki Akan, toki Iloko, toki Ipana, toki Ipatan, toki Jakan, toki Kalaja, toki Kamajo, toki Makintanaju, toki Malanaju, toki Pankasinan, toki Panpanko, toki Pikula, toki Sanpali, toki Sinupuwanon, toki Suku, toki Takalo, toki Tapawenjo
mani mani Peso
ISO 3166 PH
Edit-clear.svg lipu ni li wile e pali. sina ken pona e ona.


ma Pilipina li ma lon ma Asija. ma Pilipina li insa e ma lon telo 7,641. kulupu pi ma Pilipina li ma Luson li ma Pisaja li ma Mintanaju . mute jan pi nanpa wan lon ma Pilipina li ma tomo Keson.

toki lawa pi ma Pilipina li toki Pilipina li toki Inli. taso ona li poka e toki ante mute. toki Pilipina luka tu wan lawa li toki Iloko li toki Ilonko li toki Pankasinan li toki Panpanko li toki Pikula li toki Sinupuwanon li toki Takalo li toki Walaje .

toki Pilipina la nimi ona li Pilipinas. toki Inli la nimi ona li Philippines. mani Pilipina li mani Peso. ma Pilipina li poka e telo suli. ma Pilipina li seli. ma tomo lawa pi ma Pilipina li ma tomo Manila. tenpo pini la ma Mewika en ma Epanja li lawa e ma Pilipina.

tenpo pini pi ma Pilipina[o ante | o ante e toki ilo]

sitelen pi supa kiwen Lakuna Lakuna li sitelen pi tenpo suli nanpa wan lon ma Pilipina.

tenpo open la jan Nekito li kama lon ma Pilipina. jan Asonesija li kama kin tan ma Tawan. ona mute li pali e kulupu jan mute. toki Pilipina la ni li "barangay". jan Sonko en jan Palata en jan Alapi li tawa ma ni. ma ni li kama ma esun suli.

tenpo pi lawa Epanja[o ante | o ante e toki ilo]

tenpo sike 1521 la jan Punaju Makajasi li kama li pana e ma Pilipina tawa ma Epanja li moli lon utala Matan . tenpo sike 1565 la jan Mike Lekapi li kama e lawa pi ma Epanja.

ma Pilipina li lon anpa ma Nowepanja .

ma Mesiko li weka e lawa pi ma Epanja la ma Pilipina li kama lon anpa ma tomo Mateli. jan lawa Epanja li kama ike e wawa ona. ma Epanja li ken ala mama e ma Pilipina lon insa tenpo sike 1850.

jan mute pi pali sewi li moli. pilin wawa Pilipina li kama. jan Ose Lisala li sitelen e ni: jan lawa li ike e wawa. taso ma Epanja li moli e jan Lisala. jan Antesa Ponipasijo li open e kulupu utala pi sona pimeja. nimi ni li Katipunan. kulupu ni li open e utala pi lawa Pilipina. tenpo suno 12 pi tenpo mun 6/1898 la ma Pilipina li weka e lawa Epanja lon ma tomo Kapite. tenpo sike 1898 la utala pi ma Epanja en ma Mewika li kama.

tenpo pi lawa Mewika[o ante | o ante e toki ilo]

ma Epanja li pana e ma Pilipina tawa ma Mewika. ma Pilipina en ma Mewika li utala. ma Mewika li moli e jan Pilipina mute. ma Sulu li utala e ma Mewika. taso ma Mewika li kama lawa e ma Sulu. ma Mewika li wawa ike e ma Pilipina la ma Mewika li pali e toki nasa pi ante sona.

ma Mewika li pana e lawa lili tawa ma Pilipina. jan Quezon li kama jan lawa li ken e toki lawa. meli li ken pana e wile pi jan lawa kama}}.

utala suli pi nanpa tu[o ante | o ante e toki ilo]

ma Nijon li lawa e ma Pilipina. kulupu utala Upalapa li utala e lawa Nijon. ma Nijon li pali e ike utala mute. ni tu li moli suli pi ma Manila li tawa noka moli Patan . wawa utala Mewika li weka e lawa Nijon.

tenpo pi lawa Pilipina[o ante | o ante e toki ilo]

jan Wamon Masasaje li pini e utala Upalapa li open e tomo Malakanjan tawa jan ale. tenpo sike 1965 la jan Pesinan Mako li kama jan lawa pi ma Pilipina.

tenpo pi lawa Mako[o ante | o ante e toki ilo]

tenpo sike 4 pi nanpa 1 la mani pi ijo esun Pilipina li suli pi nanpa 1 lon ma Asija. mani la ma Pilipina li kama suli. tenpo pi pini pi tenpo sike 4 la ijo li kama ike. jan Mako en jan olin ona li ike e wawa e mani. ma Pilipina li lon anpa pi nasin lawa utala. tenpo sike 1986 la jan Mako li kama jan lawa kin. taso ni li lon ala. kulupu pi wile ante li tawa e jan Mako e jan poka ona tawa ma Awawi li kama e ni: jan Kolason kino li lawa.

tenpo pi lawa Pilipina sin[o ante | o ante e toki ilo]

ni mute li ike tawa kama suli Pilipina: ma Pilipina li wile pana e mani mute. wawa ike li mute. jan mute li lon nasin pi pali kulupu. jan Molo li utala. nena suli Pinatupo li pana e ko seli.

tenpo sike 2016 la jan Loliko Tutete li kama jan lawa. tenpo pini la ona li jan lawa pi ma tomo Tapaju . ona li wawa e linja tawa ma Sonko en ma Losi. ona li open e kulupu utala tawa ilo nasa. kulupu pakala Majute li utala lon ma tomo Malawi . taso utala ni li pini lon tenpo suno 23/8/2020.

ma[o ante | o ante e toki ilo]

kulupu ma wan ma nimi lawa
ma Luson wan ma lawa
wan ma Iloko wan ma I
wan ma Kolijela
anpa nena Kakajan wan ma II
insa Luson wan ma III
wan ma Kalapalison wan ma IV-A
wan ma Mimalopa wan ma IV-E
wan ma Pikula wan ma V
ma Pisaja suno pini Pisaja wan ma VI
insa Pisaja wan ma VII
suno open Pisaja wan ma VIII
ma Mintanaju ma nena Senpanka wan ma IX
lete Mintanaju wan ma X
wan ma Tapaju wan ma XI
wan ma Sokosasen wan ma XII
wan ma Kalaka wan ma XIII
wan ma Pansamolo wan ma lawa Pansamolo pi Mintanaju SIlami

af - ceb - da - de - en - eo - es - et - fr - he - ja - ms - nl - no - pl - pt - ru - sl - sv - tl - zh-cn - zh-tw