ma Tuki
| ma Tuki
Türkiye | |
|---|---|
 len ma | |
| kalama musi ma
İstiklâl Marşı | |
.svg)
| |
| ma tomo lawa | ma tomo Ankala |
| toki lawa | toki Tuki |
| mani | mani Lila |
| ISO 3166 | tur |
ma Tuki li lon ma suli Elopa li lon ma suli Asija. ma Tuki li poka ma Pokasi li poka ma Elena li poka ma Katelo li poka ma Aja li poka ma Ilan li poka ma Asepajan li poka ma Ilakija li poka ma Sulija.
tenpo pini la kulupu jan mute li lawa e ma Tuki. kulupu ni li kulupu pi ma Aja pi ma Pasileja Loma pi ma Selesu pi ma Osuman.
nimi
nimi pi ma Tuki lon toki Tuki li Türkiye. nimi ni li nimi tu. nimi nanpa wan li Türk. Türk kepeken toki Tuki pi tenpo pini li "wawa" li "jan Tuki." nimi nanpa tu li -iye li "jo."
tenpo pini
tenpo mute la jan li lon ma Tuki. ma tomo pi tenpo mute li ma tomo Sataloju (Çatalhöyük) li ma tomo Sajonu (Çayönü) li ma tomo Newali Soli (Nevali Cori) li ma tomo Jasila (Hacilar) li ma tomo Kopeki Tepe (Göbekli Tepe) li ma tomo Mesin (Mersin) li ma tomo Toja (Trōiás).
ma lawa suli nanpa wan lon ma Tuki li ma Jatu (Ḫa-at-tu-ša). ma lawa suli nanpa tu lon ma Tuki li ma Pukija (Phyrgia). tenpo ante la, kulupu jan Kimilaja (mat Gimirrāya) li kama lon ma Tuki. kulupu Kimilaja li pakala e ma lawa Pukija. ma lawa ante lon ma Tuki pi tenpo pini li ma Sata (Śfarda) li ma Kelija (Καρία, Karia) li ma Temi (𐊗𐊕𐊐𐊎𐊆𐊖, Trm̃mis).ma ante lon ma Tuki pi tenpo pini li ma Ijonija (Ἰωνία, Iōnía).
tenpo ante la kulupu jan Achaemenid li anpa e ma Tuki. tenpo ante la jan Alekanto suli li anpa e ma Tuki. tenpo ante la ma Tuki li tu li ma Bithynia li ma Cappadocia li ma Pergamum li ma Pontus. tenpo ante la kulupu jan Loma li anpa e ma mute ni. tenpo ante la jan lawa Constantine li kama e ni: ma tomo Byzantium li ma tomo lawa pi ma Loma. jan Constantine li ante e nimi pi ma tomo Byzantium. nimi sin pi ma tomo Byzantium li ma tomo Constantinople (tenpo ni la ma tomo Constantinople li jo e nimi sin. nimi ni li ma tomo Itanpu). tenpo ante la kulupu lawa Loma li tu li kulupu lawa Loma li kulupu lawa Byzantine. ma tomo Constantinople li ma tomo lawa pi kulupu lawa Byzantine.
tenpo ante la jan Tuki li anpa e kulupu jan Byzantine. jan Tuki li kama e kulupu jan Seljuk. taso tenpo ali la kulupu jan Seljuk li lon ala. tenpo ante la kulupu jan Monku li kama e ma Tuki li anpa e kulupu Seljuk. tenpo ante la jan lawa Osman nanpa wan li wan e ma ali pi jan Tuki. ona li kama kulupu jan Ottoman.
tenpo pi utala suli nanpa wan la ma Kanse en ma Losi en ma Juke en ma Italija en ma Mewika li pakala e kulupu lawa Osuman. tenpo ni la, kulupu lawa sin pi Tuki li kama lon. ma tomo lawa ona li ma tomo Ankala.
nasin lawa
toki tawa ma ante
ma Tuki li lon kulupu ma utala pi telo Alansi lete.
tenpo pini la ma Elena li ike tawa ma Tuki. taso tenpo ni la ona li pona tawa ma Tuki.
tenpo pini en tenpo ni la ma Armenia li ike tawa ma Tuki tan ni: tenpo pini la kulupu Ottoman li pakala e jan Armenia lon ma Tuki. tenpo ni la kulupu jan pi ma Tuki li toki e ni: tenpo pini la jan Aja lon ma Tuki li moli. taso moli ona li kama ala tan kulupu Ottoman. toki ni li ike tawa jan Aja. tenpo ni la ma Azerbaijan li pona tawa ma Tuki. taso ma Azerbaijan li ike tawa ma Aja. tan ni la jan Tuki en jan Aja li jan pona ala.
ma
ma Tuki li suli sama ma Sile anu ma Tesa.
telo suli mute li lon poka ma Tuki. telo suli ni li telo suli Aegean li telo suli Pimeja li telo suli Mediterranean. telo suli Marmara li lon insa ma Tuki.
tenpo la jan mute li tawa lon ma Tuki. ken la, tawa suli ni li pakala e jan e tomo.
tenpo la ma Tuki li seli. tenpo seli la telo mute li lon ala. tenpo la ma Tuki li lete. tenpo lete la telo mute li lon. seli mute en lete mute li lon insa pi ma Tuki. seli lili en lete lili li lon selo pi ma Tuki.
esun
jan Tuki li kama jo e mani kepeken nasin ni: jan Tuki li pali e moku lon ma. jan Tuki li pali e ijo ante. jan ante li kama tawa ma Tuki li pana e mani ona tawa jan Tuki.
jan
jan mute li lon ma Tuki. tenpo mute la jan Tuki li lon. jan lili li tawa tomo sona. jan mute li ken sona kepeken lipu sitelen.
jan mute pi ma Tuki li jan Tuki. taso jan ali pi ma Tuki li jan Tuki ala. jan Kurd en jan Circassian en kulupu Lomani en kulupu Alapi en kulupu Elena en kulupu Aja en kulupu Jejuta li lon ma Tuki.
toki Tuki li toki lawa pi ma Tuki. taso jan li toki kepeken toki Alapi en toki Posan en toki Circassian en toki Kurd en toki Ladino kin lon ma Tuki.
jan mute mute pi ma Tuki li jan pi nasin sewi Isilan. nasin sewi lili pi ma Tuki li nasin sewi Orthodox Elena li nasin sewi Apostolic Armenian li nasin sewi Syrian Orthodox li nasin sewi Juta li nasin sewi Yazidi. nasin Atheism kin li lon ma Tuki.
musi
jan Tuki li pali e kalama musi e lipu sitelen. jan Ojan Pamu (Orham Pamuk) li jan suli pi sitelen toki tan ma Tuki.
tomo Tuki li pona lukin li tomo Byzantine li tomo Ottoman. tomo Tuki ante li lukin sama tomo pi ma ante.
musi sike noka li pona mute tawa jan Tuki mute. musi Basketball en musi Auto Racing li pona lili tawa jan Tuki. musi pi tenpo Ottoman lon ma Tuki li musi Yağlı Güreş (musi utala).
lipu ante
- http://www.tourismturkey.org/ (toki Inli)
ma Alan · ma Antola · ma Elena · ma Epanja · ma Esi · ma Isilan · ma Italija · ma Juke · ma Kanse · ma Kiposi · ma Lawi · ma Lijatuwa · ma Lisensan · ma Lominija · ma Losi · ma Lowasi · ma Lowenki · ma Lowensina · ma Lusepu · ma Maketonija lete · ma Mata · ma Monako · ma Mosijo · ma Motowa · ma Netelan · ma Nosiki · ma Osalasi · ma Pelalusi · ma Pesije · ma Posuka · ma Potuke · ma Pokasi · ma Posan · ma Samalino · ma Seki · ma Sensa · ma Sinakola · ma Sipe · ma Sopisi · ma Sumi · ma Suwasi · ma Tansi · ma Tosi · ma Tuki · ma Ukawina · ma Wasikano
ma Aja · ma Akanisan · ma Anku lete · ma Anku seli · ma Asepajan · ma Ilakija · ma Ilan · ma Imalasi · ma Intonesija · ma Isale · ma Jamanija · ma Kanpusi · ma Kasatan · ma Katali · ma Katelo · ma Kilisa · ma Kiposi · ma Kuwasi · ma Lajo · ma Lanka · ma Losi · ma Lunpan · ma Malasija · ma Masu · ma Mijama · ma Monkolu · ma Nepalu · ma Nijon · ma Opekitan · ma Pakisan · ma Palani · ma Palata · ma Panla · ma Pilipina · ma Pilisin · ma Punawi · ma Sajusi · ma Sikimenisan · ma Simolete · ma Sinkapo · ma Siwewi · ma Sonko · ma Sulija · ma Tawan · ma Tawi · ma Tosikiton · ma Tuki · ma Tuku · ma Uman · ma Utun · ma Wije